کابل ۷ سنبله، باختر
ایشلر اداره سی نینگ باش باشقرمه سی اوزبیکستان هیئتی بیلن موترلرنی تامیرلش اوستاخانه‌لرینی تشکیل ایتیش بوییچه اوز ارا انگلشوو شرطنامه لرینی امضاله‌دی.
ایشلر باشقرمه سی نینگ مطبوعات خذمتی خبر بیردی: مولوی سیف الدین تائب ایشلر باش باشقرمه سی نظارت و سیاست بوییچه اورین‌باسری خال مرادوف ناظم جان قاسموویچ اوزبیکستان دولتی نینگ تجارت وزیرلیگی نی بیرینچی اورین باسری بیلن اوچره‌شدی، اوشبو اوچره‌شوودن سونگ فقرالیک و حربی ترانسپورت واسطه‌لرینی تامیرلش اوستاخانه‌لرینی تشکیل ایتیش مقصدیده همکارلیک شرطنامه امضالندی.
اوشبو اوچره‌شووده اوزبیکستان هیئتی افغانستان اسلام امیرلیگی نینگ سودا و دیپلوماتیک همکارلیک یونه‌لیشیده‌گی حرکتلرینی آلقیشلب، اوزبیکستان قوشنی افغانستان دولتی بیلن هر قنده‌ی همکارلیککه تیار ایکنلیگینی تاکیدله‌دی.
ایشلر باش باشقرمه سی نینگ نظارت و سیاست بوییچه اداره سی نینگ اورین‌باسری اسلام امیرلیگی نامیدن اوزبیکستان و افغانستان اورته‌سیده‌گی دایمی همکارلیک اوچون منّتدارلیک بیلدیردی.
ایتیش کیره ک که، اتوموبیل تامیرلش اوستاخانه‌لرینی تشکیل ایتیش بوییچه اوز ارا انگلشوو شرطنامه لری ۱۱ بنددن عبارت بولیب، اولر ترکیبیگه مهʼموريه‌ت باش باشقه‌رمسی همده ایچکی ایشلر، صناعت و تجارت، مالیه و اقتصادیات وزیرلیکلری اعضالری بولگن کمیته رهبرلیک قیله‌دی.
