ینگی‌لیک/اخبارسیاستمدنیتاورگتیشTOP

مولوی عبدالکبیر؛ یاش اولادگه تعلیم-تربیه‌ بیریش، اولرنی توغری یولگه یونه‌لتیریش مهم‌ احتیاج دیر

 

کابل ۹ هاوت بختر
افغانستان اسلام امیرلیگی باش وزیر نینگ سیاسی اورین‌باسری مولوی عبدالکبیر یاش اولادنی تربیه‌لش، اولرنی توغری یولگه قوییش مهم‌ احتیاج ایکنینی تأکیدله‌دی.

اوشبو اورین‌باسرلیک مطبوعات خدمتی اخبارات نامه سیده شونده‌ی دیب یازه‌دی: مولوی عبدالکبیر بو حقده اخبارات و مدنیت وزیرلیگی یاشلر ایشلری بوییچه‌‌ معینی قاری محمد یونس راشد و اوشبو معینیت نینگ ولایت متصدیلری بیلن اوچره‌شووده ایتیب اوتدی.

ولایت یاشلر مسأله‌لری بوییچه‌ ‌ باشقرمه‌لر نینگ محنت صلاحیتینی آشیریشگه بغیشلنگن اون کونلیک سمینار یکونیده بولیب اوتگن مذکور ییغیلیش اخبارات و مدنیت وزیرلیگی یاشلر مسأله‌لری بوییچه‌‌ معینی قاری محمد یونس راشد تامانیدن یاشلر صلاحیتینی آشیریشگه قره‌تیلگن. یاش اولادنی تربیه‌لشده یاشلر بیلن ایشلش بولیمیگه یوکله‌تیلگن وظیفه‌لردن کیلیب چیقیب، اوشبو بولیم خادملری نینگ صلاحیتینی آشیریش مقصدیده کوپراق اوقوو دستورلری آلیب باریلیشینی تأکیدله‌دی.

هرات و ننگرهار ولایتلری یاشلر مسأله‌لری بوییچه‌‌ متصدیلری هم ولایتلر حاکملری و یاشلر بیلن ایشلش بولیملری رهبرلری نامیدن اخبارات و مدنیت وزیرلیگی قاشیده یاشلر نینگ ساغلام تعلیم-تربیه‌ آلیشی اوچون زمینه حاضرلش و اونینگ ترقه‌لیشی نینگ آلدینی آلیش بوییچه‌ ایش آلیب باره‌یاتگنلیکلرینی تأکیدله‌دیلر.

اولر نینگ قوشیمچه‌ قیلیشیچه، اوتگن ییگیرمه‌ ییل ایچیده افغان جمعیتیده حربی تجاوز بیلن بیر قطارده مدنی تجاوز هم کوزه‌تیلگن، اسلام امیرلیگی غلبه‌سی بیلن بو نینگ آلدی آلینگن، اما اونینگ عاقبتلری سه‌قلنیب قالگن.

هرات و ننگرهار یاشلر مسأله‌لری بوییچه‌ ‌ متصدیلری نینگ تأکیدلشیچه، اولرگه کوپراق قوله‌یلیکلر یره‌تیلسه، یاشلر هم‌جهتلیگی و تعلیم-تربیه‌ ساحه‌سیده ینه‌ده کوپراق ایشلشلری ممکن.

باش وزیر نینگ سیاسی اورین‌باسری مولوی عبدالکبیر یاشلرنی جمعیت نینگ مهم‌ قتلمی دیب اته‌دی و شونده‌ی دیدی: «یاش اولادنی تربیه‌لش، اولرنی توغری یولگه قوییش مهم‌ احتیاجدیر».

او شونده‌ی دیب قوشیمچه‌‌ قیلدی: «اسلام نظامی کیلیشی اوچون یاشلر کوپ قربانلیک قیلگنیدیک، حاضرگی توزومده هم اینگ کتّه‌ اولوش یاشلرگه بیریلگن و یاشلر آره‌سیدن اسلام امیرلیگی پیدا بولگن».

اونگه کوره‌؛ اسلام امیرلیگی کیله‌جک اولاد نینگ اسلامی روح و افغان قدریتلری بیلن تعلیم آلیشینی ایسته‌یدی.

شونینگدیک، تشقی ایشلر وزیرلیگی نینگ سیاسی اورین‌باسری یاشلر بیلن ایشلش بوییچه‌ متصدیلرگه یاشلر نینگ بیلیم آلیشی اوچون کینگ امکانیتلر یره‌تیشگه توغری کیلدی، چونکه‌ یورت کیله‌جگی یاشلر قولیده.

نمایش بیشتر

نوشته های مشابه

دکمه بازگشت به بالا