کابل ۸ حمل باختر
کان و پترولیم وزیرلیگی نینگ سرپرست وزیری اطراف-محیطنی محافظه قیلیش ملی اداره باشقرمهسی نینگ باشلیغی بیلن اوچرهشوویده شوندهی دیدی: تاغ-کان ایشلرینی یخشیلش اوچون اطراف-محیطنی محافظه قیلیش ضرورلی دیدی.
کان و پترولیم وزیرلیگی مطبوعات خدمتی خبر بیریشیچه: توناون اوشبو وزیرلیک نینگ وزیری شیخ الحدیث شهابالدین دلاور ملی اطراف-محیط باشقرمهسی نینگ باشلیغی حافظ عزیزالرحمن بیلن ایش بوییچه اوچرهشوو اوتکزدی.
اوشبو اوچرهشووده ییریک و کیچیک کانچیلیک لایحهلری بیلن باغلیق حالده اوشبو لایحهلر نینگ مملکت اقتصاددهگی اهمیتی و کانچیلیک لایحهلریده اطراف-محیطنی محافظه قیلیش مسألهلری بحث قیلیندی.
کان و پترولیم وزیرلیگی نینگ سرپرست وزیری شوندهی دیدی: کان و پترولیم وزیرلیگی و اطراف-محیطنی محافظه قیلیش باشقرمهسی اورتهسیدهگی موافقلشتیریش برچه تاغ-کان لایحهلرینی ینهده یخشیلش و اطراف-محیطنی ینهده محافظه قیلیش اوچون ضروری دیدی.
اطراف-محیطنی محافظه قیلیش ملی باشقرمهسی باشلیغی اطراف-محیط نینگ قدری و اهمیتی حقیده گپیردی و شوندهی دیدی: بو بولیم اطراف-محیط افلاسلنیشی نینگ آلدینی آلیش اوچون ساغلیقنی سقلش، انرژی و سوو، کابل بلدیه سی و کانلر و پترولیم اداره لری بیلن قوشمه کمیته توزدی. اولر هر هفته بیر مسأله بوییچه ییغیلیش اوتکزهدیلر دیب ایتدی.
شونینگدیک، او کان و پترولیم وزیرلیگی رهبریتی و تخنیکی گروهی بیلن مس عینک لایحهسی نینگ اطراف-محیطگه تأثیری و تاپی لایحهسی و باشقه کیچیک و ییریک کانلرنی قازیب آلیش یونهلیشیدهگی طبيعی بایلیکلرنی محافظه قیلیش بوییچه اوز فکر و تکلیفلری بیلن اورتاقلشدی.
کان و پترولیم وزیرلیگی نینگ سرپرست وزیری اطراف-محیط ملی باشقرمهسی بیلن همکارلیک قیلیشگه وعده بیردی.
باشقه خبرگه کوره
کان و پترولیم وزیرلیگی نینگ سرپرست وزیری شیخ الحديث شهابالدین دلاور ملی ترقیات شرکتی نینگ باشلیغی عبدالرحمن عطاش بیلن اوچرهشدی.
اوشبو اوچرهشووده ملی ترقیات شرکتی بیلن شرطنامه توزیلگن بلخاب کومیر کانینی قیدیریش و قازیب آلیش بوییچه بحث و فکر المشیلدی همده کان و پترولیم وزیرلیگی بیلن ملی ترقیات شرکتی اورتهسیده اوزارا انگلشوو شرطنامهسی امضالندی.