فیض آباد، ۱۶ قوس، باختر
بدخشانده ولایتی نینگ مایمی تومنی «زنیف» قیشلاغیده کوچلی یامغیر و قار یاغیشی عاقبتیده بیر عایله نینگ ۶ اعضاسی ایکی عیال شامل هلاک بولیب و باشقه ایکی کیشی یره‌لنگن.
بدخشان معلومات و مدنیت باشلیغی معزالدین احمدی نینگ ایتیشیچه، بدخشان ولایتی مایمی تومنی «زنیف» قیشلاغیده بیرین_کیتین قار و یامغیر یاغیشی باعث یشش بیر اوی نینگ تامی قوله‌گن نتیجه ده، آلتی کیشی قربان بولیب و باشقه ایکی کیشی یره‌لنگن.
باشقه تاماندن بدخشان طبیعی آفت‌لرنی باشقریش بوییچه باشلیغی محمداکرم اکبری گه کوره، قربان بولگنلر آره‌سیده ایکی یاش عیال، ۱۲یاشنی تولدیرمه‌گن ایکی باله و ۱۸ یاشر ایکی ییگیت شامل دیر، بیراق مذکور حادثه ده ایکی کیکسه کیشی یره‌دار بولگن و حاضر کلینیک ده دوالنماقده.
اوشبو حادثه اوتگن کیچه ساعت ۸:۰۰ اطرافیده مایمی تومنی زنیف قیشلاغیده یوز بیرگن و حادثه طفیلی یره‌دارلر ساغلیک مرکزی گه انتقال بیریلگن و دیوار آستیده قالگنلر نینگ جسدی چیقریلگن.
