پلخمری ۱۹ سنبله، باختر
بغلانده‌گی مکتبلر نینگ ۴۰ فایزدن آرتیغی ترمیملنمه‌گن، اوقووچیلری چادرلرده یاکه آچیق هواده اوقیشه‌دی.
تقدیم ایتیلگن رقملرگه کوره، بغلانده‌گی بیش یوز ییگیرمه سکّیزته مکتبدن ایکّی یوز تۉقّیزته‌سیده بنا و صنف خانه‌لری ییتیشمه‌یدی.
بغلان شهریده‌گی ایکّی یوزدن آرتیق مکتبده صنف خانه‌لری نینگ یۉقلیگی ایلّیک بیر مینگ اوقووچی نینگ آچیق میدانده اوقیشیگه سبب بولدی.
عبدالرحمان بن عوف اورته مکتبی باش اوقیتووچیسی فضل الرحیم انصاری شونده‌ی دیدی: اونینگ شاگردلری ییللر دوامیده درختلر سایه‌سیده یاکه جزیره‌مه قویاش آستیده اوقیشگن.
اوشبو مکتب اوچون صنفخانه بناسی قوریش بوییچه کوپ مراته‌به مراجعت قیلگنلیکلری، اما حاضرگچه بو التماسلرگه اعتبار بیریلمه‌گنینی ایتدی.
بعضی حاللرده آچیق میدانده توریش یاکه اوتیریش قیینلیگی سببلی بعضی مکتبلرده مأمورلر درس ساعتلرینی قیسقه‌رتیرگن.
بغلانده‌گی مکتب اوقووچیلری و اوقیتووچیلری اسلام امیرلیگیدن ینگی انشااتلر قوریش آرقه‌لی تعلیم اوچون قوله‌ی شرایط یره‌تیشنی سوردیلر.
بغلانده‌گی تعلیم بولیمی باشلیغی مولوی محمد نور عزیزی باختر آژانسیگه ایتیشیچه، مکتبلر اوچون اوقوو خانه‌لری قوریش ایشلری آلیب باریله‌یاتگنینی ایتدی. اونینگ ایتیشیچه، ترمیملنمه‌گن مکتبلر اوچون چادرلر اجره‌تیلگن.
