کابل، ۱۴ جدی، باختر
افغانستان اسلام امیرلیگی تشقی ایشلر وزیرلیگی ایران اسلام جمهوریتی نینگ کرمان ولایتیده صادر بولگن ایکّی پارتلشنی قارهلهدی.
بو وزیرلیک مطبوعات کاتبی عبدالقهار بلخی ایکس صحیفهسیده «افغانستان اسلام امیرلیگی تشقی ایشلر وزیرلیگی ایران اسلام جمهوریتی نینگ کرمان ولایتیده صادر بولگن، قربانلر و جراحتلر بیلن یکونلنگن بو مملکت نینگ بیر قطار فقرالری شهید و یره دار بولگنلیگینی و بو ایکّی پارتلشنی قارهلهیدی.»
بلخی نینگ قوشیمچه قیلیشیچه، افغانستان اسلام امیرلیگی ایران حکومتی و خلقیگه، اینیقسه، اوشبو واقعهلر قربانلری عایلهلریگه چوقور همدردلیک و قیغوداشلیک بیلدیردی.
آوا (ییتکیرمه)لر خبرلریگه کوره؛ بو پارتلشلر ایران انقلابی قدس سپاه پاسداران کوچلری سابق قوماندانی قاسم سلیمانی دفن ایتیلگن «گلزار شهدای کرمان»گه اونینگ وفات ایتگنی نینگ تورت ییللیگی مناسبتی بیلن صادر بولدی.
تسنیم آژانسی نینگ کرماندن بیرگن خبریگه کوره، کرماندهگی پارتلشده جراحتلنگنلر سانی ۱۸۸ کیشی، شهیدلر سانی ایسه ۱۰۳ کیشیگه ییتگن.