کابل ۲۴ حوت باختر
ایکینچیلیک و چارواچیلیک وزیرلیگی نینگ معینی کابلگه کیلگن ایران ایکینچیلیک جهاد کشاورزی اورینباسری بیلن اوچرهشدی.
بو ییغیلیشده افغانستان ایکینچیلیک و چارواچیلیک پلهتهسی (اتاقی) متصدیلری و ایران خصوصی سکتوری وکیللری هم اشتراک ایتدیلر.
ایکینچیلیک، ییرلرنی سوغاریش و چارواچیلیک وزیرلیگی مطبوعات خدمتی بوگون اوشبو خبرنی اعلان قیلیب، شوندهی دیدی: ایکینچیلیک و چارواچیلیک وزیرلیگی نینگ معینی، ایران جهاد کشاورزی ایکینچیلیک اورینباسری بیلن اوچرهشدی.
بو ییغیلیشده ایکینچیلیک و چارواچیلیک وزیرلیگی نینگ معینی مولوی صدراعظم عثمانی افغانستاندهگی سرمایه امکانیتلرینی سنهب اوتیب، افغانستان و ایران اورتهسیده ایکینچیلیک و چارواچیلیک ساحهسیده علاقهلرنی کینگهیتیریشنی خواهلهدی.
ایران ایکینچیلیک جهاد کشاورزی اورینباسری علی رضا مهاجر: «ایکّله تاماندن وارد قیلینهدیگن یاکه صادر قیلینهدیگن محصولاتلر صفتلی، بازارگه ماس، ایشلش تیزلیگی و مقبول نرخگه ایگه بولیشی کیرهک و هر ایکّی دولت هم بونی حسابگه آلیشی کیرهک»، دیدی.
اوشبو ییغیلیشده ایکینچیلیک و بالهلر آزوق-اوقات محصولاتلرینی ییتیشتیریش، ترغیب قیلیش، ایشلب چیقریش و ساتیش، چارواچیلیک ساحهسی، قَیته ایشلش و قداقلش، چارواچیلیک نینگ ینگی اولادلرینی کوپهیتیریش، واکسینلر، پرندهچیلیک و گوشت فارملرینی تشکیل ایتیش، طبیات و صنعت محصولاتلرینی رواجلنتیریش، اوسیملیکلرنی ییتیشتیریش، کبی موضوعلر بحث قیلیندی.