ینگی‌لیک/اخباردنیا/جهانTOP

بیرلشگن ملتلر تشکیلاتی ینه‌ بیر بار غزه اهالیسینی اولدیریشنی توخته‌تیشنی طلب قیلدی

 

کابل، ۲۲ قوس، باختر
بیرلشگن ملتلر تشکیلاتی فوق العاده‌ ییغیلیشده غزه ده زودلیک بیلن اوت آچیشنی توخته‌تیش اوچون ایکّینچی قطعنامه سینی فقط ۱۰ ته سلبی آوازگه قرشی ۱۵۳ ایجابی آواز بیلن تصدیقله‌دی.

قرشی آواز بیرگن دولتلر قطاریده آمریکا، اسرائیل، اتریش هم بار.

بیرلشگن ملتلر تشکیلاتی عمومی مجموعه سی ۲۱ – قوس، سه‌شنبه‌گه کیچه‌سی غزه ده اوت آچیشنی توخته‌تیش بوییچه‌ فوق العاده‌ ییغیلیش اوتکزدی و اونده ۱۵۳ ایجابی آواز بیلن غزه ده زودلیک بیلن بشردوستلیک اوت آچیشنی توخته‌تیشگه چقیرووچی قبول قیلیندی. و اسیرلر نینگ زودلیک بیلن و شرطسیز آزاد ایتیلیشینی ایسته دی.

بیرلشگن ملتلر تشکیلاتی عمومی مجموعه سی نینگ فوق العاده‌ ییغیلیشیده  ۱۹۳ اعضاسیدن ۱۵۳ ته‌سی غزه ده زودلیک بیلن اوت آچیشنی توخته‌تیش و برچه‌ گروگه آلینگنلرنی زودلیک بیلن و شرطسیز آزاد قیلیشیگه آواز بیردی.

بیرلشگن ملتلر تشکیلاتی نینگ ۱۰ اعضاسی، جمله‌دن آمریکا قوشمه‌ ایالتلری و اسرائیل ریجیمی قرشی آواز بیردی، ۲۳ اعضا ایسه بی طرف قالدی، شو نینگ اوچون بیرلشگن ملتلر تشکیلاتی اعضالری نینگ مطلق کوپچیلیگی آمریکا و اسرائیل ریجیمیگه قرشی چیقدی. پارارگوئه و اتریش اوشبو قطعنامه گه قرشی بولگن و اونگه قرشی آواز بیرگن.

آمریکا نینگ اینگ مهم‌ اتفاقچیسی بولگن انگلیس و جرمنی، ایتاليا، هالند و اوکراین کبی دولتلر هم بو قطعنامه گه بی طرف قالدی.

مصر نینگ بیرلشگن ملتلر تشکیلاتیده‌گی ایلچیسی هم لایحه‌سینی «موازنتلی و خالص» دیب اته‌دی و بو طعنامه گه هر ایکّی تامان تینچ اهالینی حمایه‌ قیلیشنی و برچه‌ محبوسلرنی آزاد قیلیشنی طلب قیلیشینی قید ایتدی.

عینِ پیتده، دنیس فرانسیس؛  بیرلشگن ملتلر تشکیلاتی عمومی مجموعه سی نینگ رئیسی تأکیدله‌دی: “غزه ده بیز گواه بوله‌یاتگن نرسه‌ تینچ اهالی نینگ اولدیریلیشی و خلق‌ارا بشردوستلیک حقوق نینگ آچیقدن – آچیق بوزیلیشیدیر”.

شونینگدیک، او شونده‌ی دیدی: «غزه ده‌گی اوروش قربانلری نینگ ۷۰ فایزی عیاللر و باله‌لردیر».

فرانسیس نینگ تأکیدلشیچه، بوگونگی کونده‌ غزه ده گواه بوله‌یاتگن نرسه‌ انسانیت تیزیمی نینگ مثلی کوریلمه‌گن قوله‌شی.

«بیز چاره‌ کوریشیمیزدن آلدین ینه‌ قنچه‌ مینگلب تینچ اهالی قربان بولسین می دیدی؟»، بو قاتللیکلرنی زودلیک بیلن توخته‌تیش کیره‌ک» دیدی.

عینِ پیتده حماس، بیرلشگن ملتلر تشکیلاتی عمومی مججوعه سی نینگ غزه ده اوت آچیشنی توخته‌تیش قرارینی آلقیشلب، خلق‌ارا هم جمعيتدن اسرائیل ریجیمیگه اوشبو قطعنامه گه رعایه‌ قیلیش و غزه ده‌گی عملیاتلرینی توخته‌تیش اوچون باسیم اوتکزیشنی سوردی.

عرب و اسلام دولتلری گروهی تامانیدن تقدیم ایتیلگن اوشبو قطعنامه ده غزه سکتوریده‌گی هلاکتلی بشردوستلیک وضعیت و فلسطین تینچ اهالیسی نینگ عذاب – عقوبتلریدن کتّه‌ تشویش بیلدیریلگن همده‌ فلسطین و اسرائیل تینچ اهالینی حمایه‌ قیلیشگه اورغو بیریلگن. خلق‌ارا بشردوستلیک حقوق و زودلیک بیلن  آتشکیسیمگه چقیره‌دی.

قطعنامه ده برچه‌ تامانلر خلق‌ارا حقوق، جمله‌دن، خلق‌ ارا بشردوستلیک حقوق، خصوصاً، تینچ اهالینی حمایه‌ قیلیش بوییچه‌ اوز مجبوريه‌تلریگه رعایه‌ قیلیشلری کیره‌کلیگی تأکیدلنه‌دی.

قطعنامه ده، شونینگدیک، برچه‌ «گروگه آلینگنلرنی» زودلیک بیلن و سوزسیز آزاد قیلیش همده‌ انسانپرورلیک یاردمی کفالتینی تأمینلش طلب قیلینه‌دی.

آمریکا و غرب دولتلری نینگ اوزگرتیریشگه و حماسنی ترورچی گروه صفتیده تنیشتیریشگه اورینیشی اعضا دولتلر نینگ قرشیلیگی و کیره‌کلی آوازلرنی توپله‌ی آلمه‌گنی اوچون ایکّینچی بار برباد بولدی دیدی.

آنتونیو گوترش نینگ رسمی آگاهلنتیریشیدن کیین خوفسیزلیک کینگشیده آواز بیریش؛  بیرلشگن ملتلر تشکیلاتی باش کاتبی خوفسیزلیک کینگشیده اسرائیل و حماس اورته‌سیده‌گی اوروش سبب جهانی تهدید حقیده گپیردی.

نمایش بیشتر

نوشته های مشابه

دکمه بازگشت به بالا