کابل، ۲۶ عقرب، باختر
هرات زلزله‌سیدن جبرلنگنلرگه یاردم کورسه‌تیش کمیسیونی رسميلری نینگ معلوم قیلیشیچه، چین نینگ ولایتده‌گی زلزله قربانلریگه یاردمی تورغندی بندری آرقه‌لی ولایتگه ییتیب کیلگن.
اوشبو کمیسیون مطبوعات کاتبی و هرات اخبارات و مدنیت باشلیغی مولوی احمدالله متقی نینگ ایتیشیچه، چین تامانیدن ۳۶۰ تُن یاردم، تورکمنستان تیمیر یولیده‌گی مالیه وزیرلیگی وکیلی، مفتی کفایت الله حقانی تامانیدن بیریلگن. و هرات ولایتی نینگ مستوفی سیگه تاپشیریلدی.
متقی بو یاردم زلزله جبردیده‌لری اوچون ییترلی بولمه‌سه – ده، اولر نینگ معمالرینی معلوم درجه‌ده حل قیله آلیشینی و بو نینگ اوچون چینگه منّتدارچیلیک بیلدیردی.
شو بیلن بیرگه، مفتی کفایت الله حقانی نینگ ایتیشیچه، بو یاردملر آره‌سیده چین تامانیدن زلزله جبرلنگنلرگه بیریلگن چادرلر، قیشکی کییم – کیچکلر، توپلملر، بیرینچی طبی یاردم توپلملری و باشقه شو کبی نرسه‌لر کیرا‌دی.
چین هراتده‌گی زلزله جبردیده‌لریگه یاردم بیره‌یاتگن بولسه، ایران، بیرلشگن عرب امیرلیکلری، تاجیکستان، سعودی عربستان، تورکيه و باشقه دولتلر هراتده‌گی زلزله جبردیده لریگه یاردم بیریشدی.
