کابل، ۲۹ قوس، باختر
افغانستان اسلام امیرلیگی مطبوعات کاتبی ذبیح الله مجاهد شونده‌ی دیدی: آمریکا نینگ اسلام امیرلیگیگه همه شمول حکومت توزیش طلبی حقیده‌گی دعوالر حقیقتگه توغری کیلمیدی.
مجاهد اوزی نینگ ایکس صحیفه‌سیده «آمریکا نینگ اسلام امیرلیگی بیلن همه شمول حکومت و رویخطنی اسلام امیرلیگیگه تاپشیریش حقیده‌گی سوزلری توغری ایمس»، دیب یازگن.
او سوزینی دوام ایتتیردی: «اسلام امیرلیگی هیچ قچان هیچ کیم بیلن هیچ قه‌ییرده بونده‌ی حکومت قوریشگه وعده ببرمه‌گن. حکمتیار صاحب نینگ بو باره‌ده‌گی سوزلری حقیقتگه توغری کیلمیدی.
او مملکت آقسقاللری اساسسیز و ناانیق سوزلرنی ایتمسلیکلری کیره‌کلیگینی تأکیدله‌دی.
عینِ پیتده گلبدین حکمتیار؛ اسلامی حزبی نینگ رهبری اوزی نینگ سونگگی بیاناتلریده آمریکا اسلام امیرلیگیگه رویخط بیریب، اولردن همه شمول حکومت توزیشنی سوره‌گنینی دعوا قیلدی.
بو دعوا اسلام امیرلیگی مطبوعات کاتبی تامانیدن رد ایتیلگن.
