جلال آباد ۲۳ سنبله، باختر
توقّیز کوندن کیین هم تورخم ایشیگی پاکستان چیگره‌چیلری تامانیدن تجارت و یولاوچی کاروانلری اوچون یاپیق.
توقّیز کون اوّل افغانستان و پاکستان اورته‌سیده‌گی اینگ ییریک یولاوچی و تجارت یوللریدن بیری بولگن بو ایشیگ پاکستان چیگره‌چیلری نینگ هلاکتلی آتیشمسی طفیلی یاپیلگن ایدی. اسلام امیرلیگی نینگ اونی قَیته آچیشگه اورینیشلری نتیجه بیرمه‌دی.
بو ایشیگ نینگ یاپیلیشی بیلن مینگلب یولاوچیلر و یوزلب تجارت کاروانلری ایکّی طرفگه تیقیلیب، حرکتلنه آلمه‌ی قالیشه‌دی.
افغانستان سبزه‌واتلرینی تورخم آرقه‌لی پاکستانگه آلیب باریشی کیره‌ک بولگن یوک مو‌تر هیداوچیسی حضرت الله نینگ ایتیشیچه، پاکستان ایکّی کونده تورخم ایشیگینی آچمسه، همه‌سی چیریب کیته‌دی دیب ایتدی.
کسل آنه‌سینی دوالش اوچون پاکستانگه آلیب باریش اوچون کوتیب تورگن عمر بابکرخیل آلتی کوندن بیری قولیده پاسپورتی بیلن تورخم نینگ قَیته آچیلیشینی کوته‌یاتگنینی ایتدی.
آنه‌سی نینگ سلامتلیگی کوندن کونگه یامانلشه‌یاتگنینی ایتدی.
تورخم ایشیگی یاپیلگنیدن بویان توقّیز کون دوامیده یولاوچیلر و تجارت کاروانلری هیداوچیلری ایکّی تاماندن کوپ مرته ناراضیلیک بیلدیریب، پاکستاندن اوشبو مهم یونه‌لیشنی یاپیشنی توخته‌تیشنی سوره‌شدی.
باشقه تاماندن، اسلام امیرلیگی دیپلوماتیک و چیگره اداره‌لری آرقه‌لی تورخم ایشیگینی تجارت کاروانلری و یولاوچیلر اوچون قَیته آچیش اوچون کوپ سعی – حرکتلرنی عملگه آشیردی، اما بو حرکتلر حلی نتیجه بیرمه‌دی.
بیراق، تورخم کمیسار منبعسی نینگ ایتیشیچه، اسلام امیرلیگی نینگ بو حرکتلری حلی هم دوام ایتماقده.
بعضی اقتصادی بیلیمدانلر نینگ تأکیدلشیچه، پاکستان هر دایم افغانستان میوه – سبزه‌واتلرینی ییغیب آلیش پیتیده تورخم نی بیر بهانه بیلن یاپیشگه حرکت قیله‌دی، اما اوز حاصلینی ییغیش وقتی کیلگنیده، او بیر لحظه هم قالدیرمه‌یدی، بو ایشیگ نی افغانستانگه یوباریش اوچون یاپمیدی.
