کابل، ۲۳ قوس، باختر
اسرائیل رسميلریگه کوره، حماس ده همان ۱۳۵ کیشی گروگه آلینگن، بیراق اولر نینگ بعضیلری اولدیریلگنی تخمین قیلینماقده.
عینِ پیتده بیر هفته‌لیک آتشکیسیم دوامیده اسرائیل و حماس گروگه آلینگنلرنی المشدی و حماس ۱۱۰ کیشی اسرائیللیک گروگه آلینگنلرنی آزاد قیلدی.
حماس شونینگدیک، بیش کیشی جسدنی، جمله‌دن بیر عسکرنی هم اسرائیللیکلرگه تاپشیرگن.
اسرائیل نینگ غزه گه حربی هجومی قَیته باشلنگنیدن تخمیناً ایکّی هفته اوتیب، ینه ۱۱۸ کیشی گروگه آلینگن، جمله‌دن، ۱۶ کیشی عیال تیریک ایکن، دییدی تیل-اویو رسميلری.
اولر آره‌سیده ۱۰۷ کیشی اسرائیل یاکه ایکّی فقرالیک فقراسی، سکّیز کیشی تایلند فقراسی، بیر کیشی نیپالیک فقراسی، بیر کیشی تانزانیا فقراسی و بیر کیشی فرنسه – مکسیکویلیک فقراسی بار.
اسرائیل رسميلری، شونینگدیک، حماس گروگه آلینگن سکّیز کیشی نینگ جسدینی و غزاده ۷ – اکتوبر کونی صادر بولگن هجومده هلاک بولگن ینه توقّیز کیشی نینگ جسدینی سقلب قالگنینی ایتدی.
اسرائیل رسميلریگه کوره، غزه ده گروگه آلینگن باله‌لر و اوسمیرلر یوق.
عینِ پیتده، فلسطین ساغلیقنی سقلش وزیرلیگی بیلن باغلیق منبعلر، اسرائیل هجوملری عاقبتیده ۱۸ مینگ و ۶۰۰ دن آرتیق فلسطینلیک هلاک بولگنینی، اولر نینگ اکثریتی عیاللر و باله‌لر ایکنلیگینی بیلدیردی. بوندن تشقری، غزه ساغلیقنی سقلش اداره‌لری اسرائیل هجوملری نتیجه‌سیده ینه ۵۰ مینگگه یقین آدم جراحتلنگنینی معلوم قیلدی.
