کابل، ۳۰ جدی، باختر
باش وزیرلیک اداره سی نینگ اورین‌باسری مولوی عبدالسلام حنفی توناون توشدن کیین فاریاب ولایتی مجاهدلری گروهی بیلن اوچره‌شدی.
بو ییغیلیشده فاریاب ولایتی ده افغانستان بانکی باشلیغی مولوی احسان الحق ابو تقی و اوشبو ولایت استخبارات باشقرمه سی تیزکار اورین‌باسری الحاج داملا گُل احمد حقّانی باشقه‌لر نامیدن خوفسیزلیک بیلن باغلیق وضعیت و تیگیشلی مسأله‌لر حقیده گپیردی.
اولر اسلام امیرلیگی مجاهدلری بو ولایت خوفسیزلیگینی تأمینلش اوچون بار کوچ-غیرتینی ایشگه سالیشینی، خلق خوفسیزلیگی و تینچلیگی دشمنلری نینگ خلق خوفسیزلیگی و تینچلیگینی بوزیشیگه یول قویمسلیکلرینی ایتدیلر. فاریاب مجاهدلری اسلام امیرلیگی آقسقاللری نینگ هدیه‌لری و یول-یوریقلرینی دایما حرمت قیلیشلری و اولرگه بویسونیشلرینی قوشیمچه قیلدیلر.
باشقه تاماندن، باش وزیرلیک اداره سی نینگ اورین‌باسری ذکر ایتیلگن مجاهدلرنی قوتلب، اولر نینگ خوفسیزلیکنی تأمینلش باره‌سیده‌گی فعالیتی و وظیفه‌لرینی یوقاری بهاله‌دی.
باش وزیرلیک اداره سی نینگ اورین‌باسری تأکیدله‌دیکی، افغانستان خلقی اوزاق ییللر دوام ایتگن بی قرارلیکدن سونگ ایندی اوز حیاتی و فعالیتینی تینچ و آسایشته دوام ایتتیریشی ممکن.
