هرات، ۱۲ قوس، باختر
هرات موزیمی و آرشیفلری رسميلری ایچکی و خارجلیک زیارتچیلر سانی آرتگنی حقیده خبر بیریشدی.
هرات موزیمی و آرشیفی نینگ عمومی مدیری عبدالجبار نورزی باختر آژانسی مخبری بیلن صحبتده جاری ییل باشیدن بویان ۹۲۰۰ دن آرتیق ایچکی و خارجلیک سیاحلر، دولت و خصوصی مکتبلر نینگ طلبهلری و عالِملری موزیمگه تشریف بویورگنینی حقیده خبر بیردی.
نورزی نینگ قوشیمچه قیلیشیچه، اسلام امیرلیگی نینگ کیلیشی و افغانستانگه خوفسیزلیک تأمینلنیشی بیلن سیاحلر سانی، اینیقسه هراتده آرتگن.
هرات موزیمی عمومی مدیری نینگ قوشیمچه قیلیشیچه، اوشبو موزیمده قیمتبها و بای اثرلر بار، اولر نینگ بعضیلری تورت مینگ ییللیک تاریخگه ایگه.
هرات موزیمی کابلدن کیین افغانستاندهگی ایکّینچی ییریک موزیم بولیب، اونده اسلامدن آلدینگی، اسلامی دورلر و زمانوی دورلرگه عاید اوچ مینگ توردهگی اثرلر سقلنهدی.
کیینگی پیتلرده استرلیا، ایتالیا، چین، فرانسه، هسپانیا، ایران، جرمنی کبی دولتلردن کیلگن خارجلیک سیاحلر هراتگه باریب، اوشبو تاریخی – ملی موزیمگه تشریف بویوریشدی.