کابل ۱۳ سنبله، باختر
حج و اوقاف وزیرلیگی نینگ سرپرست وزیری اسلامی همکارلیک تشکیلاتی هیئتی بیلن اوچره‌شووده افغانستانده کوپلب اوزگریشلر بولگنینی و اسلام امیرلیگی باشقه ساحه‌لرده هم آدملرگه کوپراق قوله‌یلیکلر یره‌تیشگه حرکت قیله‌یاتگنینی ایتدی.
شونینگدیک، حج و اوقاف وزیرلیگی مطبوعات خدمتی شونده‌ی دیدی: شیخ الحدیث دوکتور مولوی نور محمد ثاقب اسلام همکارلیک تشکیلاتی باشلیغی دوکتور قطب محمد سانو کابلگه کیلگنیگه اوچره‌شدی.
اوشبو اوچره‌شووده هیئت باشلیغی دوکتور قطب محمد سانو اطرافلیچه سوزگه چیقیب، اسلام امیرلیگی نینگ غلبه‌سی بیلن تبریکلب، اسلام امیرلیگی رهبرلیگیده افغانستانده تورلی ساحه‌لرده ایریشیلگن یوتوقلرنی یوقاری بهاله‌دی.
او شونده‌ی دیدی: بیز تورلی ساحه‌لرده، جمله‌دن، اسلام امیرلیگیگه محتاج بولگن تعلیم و ترقیات ساحه‌لریده همکارلیک قیله‌میز.
سانو قوشیمچه قیلدیکی، بیز و اسلام عالمی اسلام امیرلیگی بیلن بیرگه‌میز و خودّی شو طرزده هیئت نینگ باشقه اعضالری هم افغانستانده‌گی خوفسیزلیک و کوچلی اسلامی حکومت نینگ برپا ایتیلیشی و باشقه اوزگریشلر حقیده اوز فکرلرینی بیلدیردیلر.
شیخ الحدیث دوکتور مولوی نور محمد ثاقب اسلام مملکتلری علمالری نینگ اوچره‌شووینی جوده مهم دیب اته‌دی و شونده‌ی دیدی: اسلام امیرلیگی وکیللری و اسلام همکارلیک تشکیلاتی وکیللری تورلی وقتلرده قوشمه کنفراس و ییغیلیشلر اوتکزیب، اوز فکرلری بیلن اورتاقلشسینلر. بیر – بیری بیلن تجربه و فکر المشتیردیلر.
او ینه شونده‌ی دیدی: افغانستانده کوپلب اوزگریشلر بولدی و اسلام امیرلیگی اوز خلقیگه باشقه ساحه‌لرده هم کوپراق قوله‌یلیکلر یره‌تیشگه حرکت قیلماقده.
