کابل ۱۲ قوس باختر
ملی مدافعه وزیرلیگی سوزلاووچیسی، افغانستان‌ده پاکستان طالبان تحریکی فعالیتی خصوصیده‌گی پاکستان ایچکی ایشلر وزیری‌نینگ سوزلری اساس‌سیز دیب بیان قیلدی.
ملی مدافعه وزیرلیگی سوزلاووچیسی، پاکستان ایچکی ایشلر وزیرلیگینی ادعا سینی رد قیلیب، افغانستان توپراغیدن هیچ بیر دولتگه قرشی استفاده ایشلتیلمسلیگینی تاکید قیلماقده.
حال بو کی، پاکستان ایچکی ایشلر وزیری رانا ثناء‌الله، یقینده اوتکزگن خبری یغینده، پاکستان نینگ «طالبان تحریکی» پاکستان کوچلری گه هجوم قیلیش اوچون افغانستان حدویدن فایده لنه یاتگنینی ادعا قیلیب، او بو هجوملرنی خواطرلی دیب عنوان قیلگن.
بیراق ملی مدافعه وزیرلیگی، پاکستان ایچکی ایشلر وزیری قیلگن ادعا سینی رد قیلدی همده افغانستان حدودیدن هیچ بیر دولت گه قرشی استفاده ایتیلمسلیگینی ایتدی.
ملی مدافعه وزیرلیگی، سوزلاووچیسی عنایت الله خوارزمی جنابلری، دیدی: ” بیز ینه بیر بار منطقه و دنیا دولتلریگه، افغانستان توپراغیدن هیچ قچان باشقه بیر دولت گه قرشی قوللنیلمسلیگی گه ایشانچ بیره میز”.
حال بو کی، ا.ا.ا بیر نیچه بار پاکستان طالبان حرکتی نینگ اوشبو مملکت حکومت بیلن اوچره شوویگه خیرخواه نیتلر بیلن او مملکت قیینچیلیگی مذاکره یولی آرقلی حل ایتیلیشی اوچون میزبانلیک قیلگن.
