دنیا نینگ ایسیق حرارتی اینگ یوقاری درجه گه یتدی، ایش بیلرمانلر اونینگ عاقبتیدن آگاه لنتیردی

کابل ۱۷ اسد باختر
دنیا ده گی ایسیقلیک درجه سی تاریخیده گی اینگ یوقاری درجه گه یتدی و اقلم شناسلر ییرنینگ حددن تشقری قیزیب کیشتی دن خواطر بیلدیریشدی.
بو متخصص لر مثلی کوریلمه گن هوا حرارتی سیاره میز اوچون دهشت لی عاقبت لر گه آلیب کیلیشیدن، بو حیات نینگ برچه تورلریگه تهدید ساله یاتگنیدن آگاه لنتیرگن.
اروپا اتفاقی نینگ “کوپرنیک” هوا وضعیتی نی تیکشیره دیگن مرکزی جاری ییلنینگ جولای آیی ده هوا حرارتی دنیا قید ایتیلگن اینگ یوقاری درججه گه یتگنینی تصدیقله دی.
بو آی ده دنیا ده اورته چه حرارت سلسی بوییچه 16.6 درجه نی تشکیل ایتدی، بو تورت ییل آلدینگی رکوردن اوچدن بیر درجه گه یوقاری ایدی.
اوشبو مرکز، شونینگدیک، جهان اقیانوسی نینگ ییر اوستی سوولری حرارتی هم قید ایتیلگن اینگ یوقاری درجه گه یتگنینی ایتدی.
اولر هوا نینگ مثلی کوریلمه گن حرارتی آدم لر اوچون هم، سیاره شرایط لری اوچون هم ناخوش عاقبت لرگه آلیب کیلیشینی تاکیدله دیلر؛ ویران قیلووچی طوفانلر، فصل سیز یاغمور لر و سوو تاشقین لری و شونینگدیک و یانغینلر جهانی ایسییش نتیجه سیده یوزه گه کیلگن دنیاده گی اقلیم اوزگریشیگه مثال دیر.