باختر 5 سنبله، کابل
بیرلشگن مللتلر تشکیلاتی خوفسیزلیک کینگاشی یقینده بولیب اوتگن ییغیلیشده افغانستانده 20 گروه تیرورچی گروه موجودلیگی، ناقانونی قوراللردن فایده لنیش کولمی کینگه یاتگنی و داعش نینگ عملیاتلری آشگنیدن خواطر بیلدیرگن و بو بیاناتلر افغانستان اسلام امیرلیگی تمانیدن قطعا رد ایتیلگن.
بو باره ده اسلام امیرلیگی مطبوعات کاتبی ذبیح الله مجاهد اوزی نینگ توییترده گی صحیفه سیده شونده ی یازگن: یقینده بیرلشگن مللتلر تشکیلاتی خوفسیزلیک کینگاشی ده تیروریزم گه قرشی کوره ش بوییچه ایککی یوقاری مرتبه لی عملدارلر ایلچیلریگه داعش نینگ دنیاگه تهدیدلری حقیده معلومات بیردی. و افغانستان اونده مملکتیمیز ده 20 گروه موجودلیگی، داعش نینگ قورال – یراغی نی کینگیتیریش و عملیات امکانیتلرینی آشیریش دعواسی ینه بیر بار تکرارلندی.
او شونده ی دیدی: تیزیم بو اساسیز عیبلرنی ینه بیر بار رد ایته دی و بو کبی مسئله لرده شفاف همکارلیکنی ایسته سه – ده سونگی ایککی ییل ایچیده افغان خوفسیزلیک کوچلری ناقانونی قوراللردن فایده لنیشگه قرشی یوزلب عملیاتلر اوتکزگنینی تاکیدلیدی. و داعشگه قرشی مستقل عملیات عملگه آشیرگنینی ایتیب اولردن ینگیل – آغیر قوراللر قولگه کیلتیریب و ینه ده اونینگ ایتیشیچه حاضر هیچ قنده ی کوچی یوق که حکومت گه قرشی عملیات و یاده بوزغونچیلیک قیلسه دیدی.
مجاهد اوز توییتریده شونده ی دیب قوشیمچه قیلدی: “کمی که بونده ی اساسیز دعوانی ایتسه، و یا معلومات گه ایگه بولسه، یاکه بونده ی ترغیبات بیلن باستیریلگن داعش نی رغبتلنتیریشگه و منطقه ده اونی کوچیتیرماقده اولوس ذهنی نی شاشیلیشتیرماقده ایکه نینی ایتگن.
اونینگ سوزیگه کوره، سونگی بیر ییلده افغانستانده گی داعش فعالیتی صفرگه توشیریلگن، بیراق شونگه قره می خلق ارا تشکیلات نینگ بونده ی سلبی و حجتسیز ترغیباتلرنی چاپ ایتیشی و بو باره ده دلیل کیلتیره آلمسلیگی اونینگ اوزیگه بولگن ایشانچنی شبهه آستیگه قویه دی.
اسلام امیرلیگی مطبوعات کاتبی ینه ده ایتدی: عینی وقتده بیز خلق ارا تشکیلات و باشقه تمانلردن افغانستان گه نسبتاً جاری قیلینگن بیر تمانلمه تحریملر، سرمایه لرینی قمراو آستیده آلیش و افغانستان اولوسی نینگ اوستیگه کیلگن خودی منه شونده ی سلبی تاثیراتلر طفیلی که خلق ارا تشکیلات و باشقه تمانلردن کیلگه نینی ایتدی و بیز منطقه برقرارلیگی اوچون وضعیت نی زودلیک بیلن اوزگرتیرماقچی میز.
