۲۵ ثور ۱۴۰۲
افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون بامیان لواسی ارکان رئیسی حرمتلی قاری محمد موسی نصرت، حرمتلی مولوی نورالدین و یولداشلری بیلن اوچره شدی.
اوچره شووده قاری محمد موسی نصرت ولایت نینگ امنیتی، اجتماعی، تعلیمی، حکمومت چیلیک وضعیتی و اهالی قیینچیلیکلرینی ریاست الوزراء اداری اورین باسرلیگی بیلن شریک قیلیب مذکور ولایت خلقی معماسی حل قیلینیشی اوچون توجه بولیشنی سوره دی.
شونینگدیک شهیدلر ایزیدن قالگنلرگه همکارلیک و توجه بولیشنی جامعه نینگ اساسی احتیاجی دیب، تعلیمی مساله لر و اوله‌نیش یوللر باره سیده مرکز بلند مرتبه لی رسمیلری نینگ توجه سینی ایسته دی.
افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی اوشبو قیینچیلیکلر و پیشنهادلرنی ایشیتگن دن سونگ ایتیشچیه، اسلام امیرلیگی نینگ پیروزی لیگی الله متعال یاردمی، مجاهدلرنینگ تکلیفلری، زحمتی، قربانلیگی و فداکارلیگی بیلن عملگه آشدی و اسلام امیرلیگی نینگ مسووللری هر سطح ده ملت و مجاهدلرگه خدمت قیلیش و معمالرینی حل ایتیش دیر.
