کابل ۱۱ حمل باختر
کابل نینگ موسهی تومنی قبیله آقسقاللری معارف وزیری اورین‌باسری بیلن اوچره‌شیب، اوشه تومنده معارف مسکنلری یره‌تیشنی طلب قیلدی.
معارف وزیرلیگی مطبوعات خدمتی بوگون اعلان قیلدی: اوشبو وزیرلیک نینگ منبعلر و اداری معینی مولوی صبغت الله وصیل تومن حاکمی مولوی امین الله بدری، معارف آمری مولوی نورالرحمن و بیر قطار عالِملر و نفوذلی شخصلر بیلن اوچره‌شدی. کابلده‌گی موسهی تومنی اهالیسی بو وزیرلیک نینگ مقریگه اوچره‌شدی.
موسهی ولسواللیگی نینگ آقسقاللری اوشه تومنده معارف مسکنلری یره‌تیش، مکتبلرنی رواجلنتیریش بوییچه اوز التماس و تکلیفلرینی خلق تعلیمی وزیرلیگی رهبریتیگه بیلدیریشدی.
معارف وزیرلیگی نینگ معینی موسهی تومنی آقسقاللری نینگ تعلیم ساحه‌سینی تکامللشتیریش باره‌سیده‌گی فکر و ملاحظه‌لرینی یوقاری بهاله‌دی و بیلدیریلگن تکلیفلرگه اعتبار قره‌تیشگه وعده بیردی.
