کابل، ۴ جدی، ۱۴۰۲
غزه ده اسرائیللیک باسقینچیلرگه قرشی کوره‌شه‌یاتگن حماس حرکتی رهبری یحیی السنوار شونده‌ی دیدی: باسقینچی اردو سینگن، بیز اشغال شرطلریگه بویسونمه‌یمیز.
قطرده بولگن اوشبو حرکت نینگ سیاسی اداره‌سی رهبری و اعضالری اسماعیل هنيه‌گه یولله‌گن مکتوبیده او: «عزالدین القسام» بتلیانلری (حماس نینگ حربی بولیمی) باسقینچی اردونی تار – مار قیلدیلر و دوام ایتتیرماقده‌لر. شو نینگ اوچون و هیچ قچان تسلیم بولمه‌یدی.
فلسطین منبعلری شونده‌ی دیدیلر: ۷ اکتوبر کونی غزه ده اوروش باشلنگنیدن بویان ایلک بیاناتیده السنوار شونده‌ی دیدی: “عزالدین القسام” بتلانلری اسرائیل نینگ باسقینچی و کوچلریگه قرشی قتّيق، آغیر و مثلی کوریلمه‌گن جنگ باشله‌دی و اسرائیل اردوسی کتّه تلفاتلرگه اوچره‌دی.
غزه سکتوریده‌گی حماس حرکتی رهبری قوروقلیکده‌گی اوروش پیتیده اسرائیل حربيلری نینگ تلفاتلری ستاتیستیکه‌سیگه توخته‌لیب، شونده‌ی دیدی: قوروقلیکده‌گی اوروش دوامیده ال-قه‌سسه‌م بتلیانلری اسرائیل ریجیمی نینگ کمیده ۵۰۰۰ عسکر و زابیتینی نشانگه آلدی، بو نینگ اوچدن بیر قِسمی هلاک بولگن، شو بیلن اوچدن بیر قِسمی یره‌لنگن، و ینه اوچدن بیر قِسمی دایمی چولاقلیککه دوچ کیلگن.
شونینگدیک، او غزه جنگیده اسرائیل ریجیمی اردوسی نینگ یوق قیلینگن قورال – یراغ و حربی تخنیک‌سی حقیده شونده‌ی دیدی: غزه اوروشیده اسرائیل ریجیمی نینگ ۷۵۰ ته حربی تخنیک‌سی تولیق یاکه قسماً یوق قیلیندی.
یقینده اسرائیل ریجیمی باش وزیری بنیامین نتانیاهو بو دولت بو اوروشده آغیر بهانی توله‌یپتی، لیکن اولرنی دوام ایتتیریشدن باشقه چاره‌سی یوقلیگینی ایتدی.
بو بیاناتلر اسرائیل اردوسی سونگگی کونلرده آغیر تلفاتلرگه دچار بولگنلیکلرینی تن آلیب، صهیونیست ریجیم تلفاتلری نینگ آرتیشی مملکت وزیرلر محکمه‌سیده هم کیلیشماوچیلیکلرگه سبب بولگن بیر پیتده ایتیلدی.
