۶ حمل ۱۴۰۲
افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون اوزی نینگ ایش دفتریده مملکت نینگ بیر قطار تجارلری و سرمایه یاتقیزووچیلری بیلن اوچره شیب ملاقات قیلدی.
اوشبو ییغین ده حاجی جلال و محمد نعیم زازی باشقه لر نماینده لیگیده گپیریب اولکه ده امنیت تامین لنگنیدن خوشلیک قیلیب، اسلام امیرلیگی بیلن همکارلیکدن وعده بیردیلر.
شونینگدیک اولر باشقه تجارلرنی سرمایه یاتقیزیشگه تشویق ایتیشدن علاوه ملی تجارلر اوچون یخشی فرصت یره تیلگنینی تیلگه آلدیلر. عین حالده اولر اوز قیینچیلیکلرینی هم شریک قیلدیلر.
ریاست الوزراء سیاسی اورین باسری حرمتلی مولوی عبدالکبیر، افغانستان اقتصادی رواجله نیشی افغانلرنینگ بیرلیگی همده ایچکی سرمایه یاتقیزیشگه باغلیق دیدی.
اونینگ قوشیمچه قیلیشیچه، خوشلیک خبر بونده که بیزلر هر کون افغانستان ده مثبت اقتصادی فرصت لر یره تیلیشیدن خبر بوله میز.
ریاست الوزراء سیاسی اورین باسری اوزی نینگ صحبتلری اداغیده اشاره قیلیب اسلام امیرلیگی تجارلر همده سرمایه یاتقیزووچیلرنی حمایت قیله دی و اولرنینگ قیینچیلیگیینی اساسی حل ایته دیدی.
