۲۵ ثور ۱۴۰۲
افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون توشدن سونگ افغانستان اوچون بیرلشگن ملتلر تشکیلاتی کاتبی خاص نماینده سی خانم روزا اوتونبایوا و یولداش هیاتی بیلن اوچره شیب ملاقات قیلدی.
اطلاعات و فرهنگ وزیرلیگی سرپرستی سیاسی کمیسیون اعضاسی مولوی خیرالله خیرخواه افغانستان اوچون بیرلشگن ملتلر تشکیلاتی کاتبی خاص نماینده سی اورین باسری مارک پوتزل اشتراکیره سپیدار قصریده بولیب اوتگن بو اوچره‌شووده، ریاست الوزراء سیاسی اورین باسری اولرنی خوش کیلیب سیزلر دیب و بیرلشگن ملتلر تشکیلاتی نینگ افغانستان خلقی گه کورستگن یاردملریدن منتدارچیلیک قیلیب ایتیشیچه، حاضر افغانستان ده اسلامی نظام برقرار دیر و افغانلر تینچ فضاده یشه‌یدیلر، دینا بو حقیقتلردن خبردار بولیشیدن خورسند بوله‌میز.
اونگه کوره، ایریم بولیملرده گی یوتوقلرنی انابتگه آلگن حالده، دنیا جماعه چیلیگی اسلام امیرلیگی بیلن تعامل و یخشی و تفاهمی بولیشی کیره‌ک.
سونگره بیرلشگن ملتلر تشکیلاتی نینگ خاص نماینده سی تفاهم و صحبتلر دوام ایتیشی حقیده تاکیدلب، بیرلشگن ملتلر تشکیلاتی نینگ کاتبی باشچیلیگیده افغانستان باره سیده بوندن ایککی هفته آلدین دوحه ده بولیب اوتگن ییغین توغریسیده معلومات بیریب، مهم موضوعلر اوستیده بحث بولدی و قتنشگن اولکه لر نماینده لری افغانستان گه کمکلر دوام ایتیشی اسلام امیرلیگی بیلن تعامل گه قیزیشی بار ایدی.
خانم روزا اوتونبایوا، اوتکزیله‌جک تعقیبی ییغینلرده افغانستان بیلن یخشی تعامل، مخدر ماده گه قرشی کوره شیش، اقلیمی اوزگریش منفی تاثیری نینگ آلدینی آلیش و آمو دریا قیرغاغی مستحکمله‌نیشی و همه شمول اوستیده هر تامانلمه بحث بولیشی ممکن دیدی.
اطلاعات و فرهنگ وزیرلیگی سرپرستی مولوی خیرالله خیرخواه اوزی نینگ صحبتلریده، دوحه ییغینیده تعامل و بیرلشگن ملتلر تشکیلاتی نینگ افغانستان گه کمکلری دوام ایتیشی حقیده آلینگن قراردن تشکرلیک قیلیب، افغانستان اوتگن ییگیرمه ییل ایچیده ایریم قیینچیلیکلرینی باشدن کیچیرگن، اوتمیش گه قره‌گنده امنيت تامين بولگن، فساد کوزگه کورینرلی درجه ده کمیگن،مخدر ماده بوتونله‌ی یوق ایتیلیشی اوچون جدی سعی وحرکت آلیب باریلماقده، داعش تهدیدی آلدی آلینگن و افغانستان قومی نینگ برچه سی حکومت گه شامل لر دیدی.
شونینگدیک او کیلگوسی ییغینلرده اسلام امیرلیگیدن چقیریلیشی کیره‌ک، برچه مساله لر ده تعامل و کیلیشیشنی ایزگو بیر تدبیر دیر دیدی.
اوچره شووده ریاست الوزراء سیاسی اورین باسری حرمتلی مولوی عبدالکبیر، حکمومتیمیز همه شمول دیر،چونکه اونده بوتون افغانستان قوملری نینگ نماینده لری ایش بیلن شغلنه دیلر، اقلیم اوزگریشی منفی تاثیری نینگ آلدینی آلیش، آمو دریا قیرغاغی مستحکم له نیشی و دوحه تعقیبی ییغینلری باره سیده بحث بوله‌دیگن آجندا ترتیبی اوستیده همکارلیک قیلیشگه تیار میز دیدی.
