۱۱ دلو ۱۴۰۱
افغانستان اسلام امیرلیگی ریاست الوزراء عمومی دفتری باشلیغی حرمتلی داکتر ملا عبدالواسع بوگون توشدن آلدین افغانستان اوچون اروپا بیرلشمه سی شارژدافیری خانم رافایلا یودیچی باشچیلیگیده گی هیات بیلن ارگ ده اوچره شدی.
افغانستان اوچون اروپا بیرلشمه سی سیاسی نماینده سی مسوولی حرمتلی فردیناند جینریش و سیاسی همده امنیتی ایشلر بوییچه مصلحتچی زاهد رحمان حضوریده بولیب اوتگن بو اوچره شووده، دستلب افغانستان اوچون اروپا بیرلشمه سی شارژدافیری افغانستانده خوفسیزلیک تامینلگنیدن خورسندلیک قیلیب ایتیشیچه، حاضرگی کونده اقتصاد، امنیت، فسادنی یوق ایتیش و بنگی وارماده لرگه بیریلگنلرنی ییغیش توغریسیده کوزگه کورینرلی آلغه سیلجیشلر بولگن بو ایسه تقدیرگه سزاوار، بیزلر خلق ارا موجود تحریملر کمه یشینی ایسته یمیز.
او، سونگگی کونلرده قرآن کریم اروپا بیرلشمه سیگه اعضا دولتلردن بیری نینگ وطنداشی آرقه لی کویدیریلگینی قاره لب اونینگ عامللری جزاله نیشینی سوره دی.
افغانستان اوچون اروپا بیرلشمه سی نینگ شارژدافیری نینگ سوزلریگه کوره، اروپا بیرلشمه سی 27 اولکه نماینده لیگیده افغانستان خلقینی یالغوز قویمه یدی و اولرنینگ فرهنگ و قدریتلریگه حرمت قیلیب بو خلق یانیده توره دی. فساد یوق ایتیلگونگه قدر، درآمد آشگونچه و قشاقلیک کمیگونچه بیزلر افغان خلقی یانیده بوله میز دیب تاکیدله دی.
خانم رافایلا یودیچی نینگ کوپه یتیرشیچه، اسلام امیرلیگی چهار چوبه سیده خاتین قیزلرگه ایش زمینه سی همده تحصیل یره تیلیشی کیره ک، چونکه خاتینلرنینگ ایشدن منع قیلینیشی بیزلرنی جدی قیین چیلیککه روپه ره قیلگن و بیزلر بو توغریده اسلام امیرلیگی مسووللری نینگ جدی توجه لرینی ایسته یمیز.
افغانستان اسلام امیرلیگی ریاست الوزراء عالی مقامی دفتری باشلیغی حرمتلی داکتر ملا عبدالواسع ایسله تیلگن هیات نی خوش کیلیب سیزلر دیب، اروپا بیرلشمه سی خیریه ایشلردن منتدارچیلیک قیلیب ایتیشچیه، افغانستان عادی خلقی نینگ وضعیتی یخشیله نیشی و رواجله نیش خذمتلرنی بجره دیگن برچه گه اسلام امیرلیگی همکارلیک قیله دی.
حرمتلی داکتر ملا عبدالواسع قرآن کریم بیر کیشی تامانیدن کویدیریلگینی قتیق قاره لب کیله جکلرده بونده ی احساسی و بیهوده ایشلرنینگ آلدی آلینیشی سوره دی.
اونینگ سوزلریگه کوره، الحمدالله حاضر افغانستانده امنیت تامین دیر افغانلرگه هر بیر توغریده یاردم قیلیش اوچون شرایط مساعد دیر. بیزلر مقدس شریعت اصولیده تعلیم گه قرشی ایمس میز، اسلام امیرلیگی نینگ کوپینچه مسووللری حیاتلری نینگ کته قسمینی تعلیم یولیده صرفله‌گنلر، شونینگدیک او بو توغریده قانون تیکشیریلیشی باره سیده کیشیلر تعینلنگن سابق قانوندن یخشی‌راق بیر نرسه توزه تیلیب ثمره لی خدمت بولیشی اوچون یول هموار ایته‌دی.
افغانستان اسلام امیرلیگی ریاست الوزراء عالی مقامی دفتری باشلیغی نینگ اشاره قیلیب ایتیشیچه، اسلام امیرلیگی اوتگن 20 ییل ایچیده سابق حکومت دن کوپینچه قیین چیلیکلر قالگن، بیزلر باشقه فعالیتلریدن تشقری اداری فسادنی یوق ایتیش و موازی اداره لرنی بیلگیلیب اونی بیکار قیلدیک.
اونینگ اوز سوزلری اداغیده ایتیشیچه، کیچیک و منفی موضوعلر امارت گه تاقیلمس لیگی کیره ک، دنیا جماعه چیلیگی مثبت مساله لرگه توجه قیلسین و وجودگه کیلگن معما ایسه کیلیشووی یولی بیلن حل قیلینیشی کیره ک دیر.
