ینگی‌لیک/اخبارسیاستTOP

ریاست الوزراء نینگ سیاسی اورین باسری، جاپان ایلچیسی‌ بیلن سپیدار قصریده ملاقات قیلدی

 

۱۶ قوس ۱۴۰۱

افغانستان اسلام امیرلیگی ریاست الوزراء سیاسی ایشلر بوییچه اورین باسری حرمتلی مولوی عبدالکبیر بوگون توشدن کیین جاپان نینگ افغانستانده گی ایلچیسی تاکاشی اوکاتا بیلن سپیدار قصریده اوچره شدی.

اوشبو اوچره شووده ریاست الوزراء سیاسی اورین باسری جاپان ایلچیسی نی خوش کیلیب سیز دییشدن علاوه، ایککی مملکت اورته سیده گی علاقه نی تاریخی و اوزاق مدتلی دیب، جاپان هر دایم افغانستانده تینچلیک تامین له نیشی ایسته دی دیدی. و او مملکت نینگ افغانستانلیک مهاجرلر اوز اولکه لریگه قیتیشی اوچون یاردم کورستگن ۱۲.۵ میلیونلیک یاردمدن منتدارچیلیک قیلدی. بو مبلغ ایسه بیرلشگن ملتلر تشکیلاتی نینگ مهاجرلر کمیسارلیگی آرقه لی صرفلنه دی.

شونینگدیک او اسلام امیرلیگی دنیا نینگ برچه دولتلر جمله دن افغانستانده صلح تامینله نیشینی ایسته یدیگن جاپان و باشقه مملکتلر بیلن یخشی مناسبت ده دیر دیدی.
افغانستان توپراغی هیچ بیر مملکت اوچون تهدید بولمس لیگی باره سیده اشاره قیلیب گپیرگن ریاست الوزراء سیاسی اورین باسری جاپان نینگ یاردملری افغانستانگه کوپه یتیریلیشینی ایسته دی و عین حالده ترقیات پروژه لر ععملگه آشیریلیشی اوچون جایکا موسسه نینگ همکارلیگینی علحیده ایسته دی.

حرمتلی مولوی عبدالکبیر جنابلری اسلامی شریعت چهار چوبه سیده ایرکک و عیاللر حقوقیگه حرمت قیله میز و افغانستان ترقیاتی اوچون مسلکی کادرلردن فایده لنه میز دیب کوپه یتیردی. شونینگدیک او افغانستاننی ترورچیلر همده مخدر ماده دن تازه له یمیز دیدی.

عین حالده، ریاست الوزراء سیاسی اورین باسری داکتر ناکا مورا نینگ افغانستان قاله ویرسه ننگرهار ولایتیده ساغلیق و زراعت بولیمیده بجرگن ایشلرینیدن قدردانلیک بیلدیردی.

سونگره جاپان نینگ افغانستانده گی ایلچیسی تاکاشی اوکاتا جاپان افغانستانگه بولگن یاردملری داملی ایکنی اوچون متعهد دیر و برقرار بیر افغانستان نی ایسته یدی دیدی.
شونینگدیک او جاپان ۱۰۶.۷ میلیون دن عبارت انسان پرورلیک یاردملرنی اعلان قیلگن بو یاردملر انسان پرورلیک اینیقسه ساغلیق، زراعت و تعلیم ساحه سیده صرفلنه نیشینی تیلگه آلدی.

عین حالده، جاپان ایلیچسی افغانستانده عیاللرگه نسبتن چیکلاولر همده آلتینچی صنف دن یوقاری قیزلرنینگ مکتبی یاپیق قاله یاتگنیدن خواطر بیلدیریب ایتیشیچه، بیلیم آلیش هر بیر افغان نینگ حقی دیر.

شونینگدیک او اوزی نینگ صحبتلری اداغیده افغانستان خلقی قاله ویرسه اوزاق منطقه لرده گی اهالیگه انسان پرورلیک یاردملر ییتکزیب بیریلیشی اوچون قولیلیک یره تیلیشی باره سیده اورغولب، بیزلر ایریم خلق ارا ییغینلرده افغانستانگه کوپراق اعتبار قره تیلیشینی ایسته یمیز دیدی.

کوپ‌راق کورستیش

نوشته های مشابه

دکمه بازگشت به بالا