سرپل شهری ۲۵ سنبله، باختر
سرپلده اخبارات و مدنیت باشقرمه سی تامانیدن یاشلر اوچون بیرینچی اوقوو مرکزی آچیلدی. مذکور مرکز نینگ آچیلیش مراسمیده اخبارات و مدنیت وزیرلیگی یاشلر مسأله‌لری بوییچه معینی قاری محمد یونس راسد شونده‌ی دیدی: اسلام امیرلیگی باشقه اداره‌لر قطاری مملکت نینگ تعلیم و صلاحیتینی آشیریشگه علیحده اعتبار قره‌تماقده. یاشلر نینگ رواجلنیشیگه یاردم بیرووچی دستورلرنی قۉللب – قوتله‌یدی.
او قوشیمچه قیلدی؛ یاشلرگه تعلیم بیریش مقصدیده آکتید دفتری بیلن همکارلیک شرطنامه‌سی امضالنیب، مملکتیمیز نینگ بیر قنچه ولایتلری اوچون تعلیم مرکزلری تشکیل ایتیش مقصدیده مالیوی همکارلیکنی کوزده توته‌‌دی.
رهسد دییدی؛ اسلام امیرلیگی وزیرلیک و باشقه اداره‌لرده پروفیشنل کادرلرگه محتاج، مدنیت و اخبارات وزیرلیگی نینگ یاشلر بوییچه معینلیگی ایسه یاشلرنی کسبگه تیارلش بوییچه منتظم دستورلرنی عملگه آشیردی. سرپل ولایت حاکمی اورین‌باسری داملا محمدنادر حقجو اوشبو دستورده دیدی؛ مجاهدلر آمریکا و اونینگ اتفاقچیلرینی اوزلری نینگ حربی اوروشلری بیلن مغلوب ایتیشدی، ایندی نوبت سیز یاشلرگه، غرب نینگ سلبی مدنیتی و ترغیباتیگه قرشی توریش، یاشلر و خلق نینگ آنگینی اشغالدن آزاد قیلیش.
بیراق سرپل اخبارات و مدنیت بولیمی باشلیغی مفتیی فخرالدین عمیر سرپلی؛ او انسان و جمعیت نینگ یوکسه‌لیشی و رواجلنیشینی علم – فن و معارف یوکسه‌لیشیگه تعلقلی دیب اته‌دی و یاشلرنی تورلی علملرنی اورگنیش آرقه‌لی یورتنی موفقیتلر چوقّیسیگه آلیب چیقیشنی سوردی.
سرپل اخبارات و مدنیت بولیمی باشلیغی مذکور تعلیم مسکنی نینگ آچیلیشینی یاشلر تعلیم – تربیه‌سی یولیده‌گی کتّه یوتوق، دیب بهاله‌دی و شونده‌ی دیدی؛ سونگگی ۴۰ ییل ایچیده بو ولایتده قیلینمه‌گن نرسه؛ بونی اسلام امیرلیگی نینگ عملدارلری قیله‌دی.
قوییده بیر قطار یاشلر اخبارات و مدنیت وزیرلیگی نینگ اوشبو بیلیم مرکزینی آچیشیدن منتدارلیک بیلدیردیلر، و مذکور تعلیم مرکزینی آچیش باره‌سیده‌گی خیرلی ایشلریدن خرسندلیگینی بیلدیردی؛ اولر اوز تکلیف و التماسلرینی بیلدیریب، جایلرده یاشلر مسأله‌سیگه اعتبار و قطعیت قره‌تیشنی سوردیلر.
