کابل ۳۰ حمل باختر
اسلام امیرلیگی باش وزیرلیک اداره‌سی نینگ اداری اورین‌باسری کابل حاکمی ملا امین الله عبید بیلن اوچره‌شدی.
ارگ اخبارات نامه‌سیده یازیلیشیچه، ملا امین الله عبید اوشبو اوچره‌شووده کابل ولایتی محلی مأموریتی نینگ وظیفه‌لری حقیده باش وزیرلیک اداره‌سی نینگ اداری اورین‌باسریگه معلومات بیرگن و کابل ولایتی رسميلری خوفسیزلیکنی تأمینلش مسأله‌سیده، کابل ولایتی اهالیسیگه خدمت کورسه‌تیش و ضرور قولیلیکلر یره‌تیش، هر دایم اولر اهالی نینگ معمالرینی حل قیلیش اوچون حرکت قیله‌دیلر و بار کوچلرینی ایه‌مه‌یدیلر.
کابل حاکمی اسلام امیرلیگی نینگ برچه ساحه‌لرده‌گی جدّی اعتباریگه توخته‌لیب، باشقرمه‌لر نینگ ایکّینچی بولینمه‌لری فعالیتینی موافقلشتیریشنی کینگه‌یتیریشگه علیحده اعتبار قره‌تیشنی هم سوردی.
باش وزیرلیک اداره‌سی نینگ اداری اورین‌باسری هم کابل ولایتی رسميلری نینگ فعالیتینی یوقاری بهاله‌دی.
اسلام امیرلیگی متصدیلری تامانیدن هییت کونلریده کوریلگن چاره-تدبیرلردن منّتدارلیگینی بیلدیرر ایکن، باش وزیرلیک اداره‌سی نینگ اداری اورین‌باسری خوفسیزلیکنی تأمینلش، اجتماعی فراوانلیک یره‌تیش باره‌سیده متصدیلر نینگ ینه‌ده کوپراق حرکت قیلیشی ضرورلیگینی تأکیدله‌دی. و اولوس اوچون ضرور قولیلیکلر یره‌تیش بوییچه توخته‌لیب اوتدی.
