کابل ۱ حمل باختر
باش وزیرلیک ادارهسی نینگ اورینباسرینی ایتیشیچه، افغانستان اسلام امیرلیگی اروپا دولتلری و دنیا نینگ باشقه دولتلری بیلن اوزارا همکارلیک و اوزارا حرمتگه اساسلنگن یخشی مناسبتلرنی ایستهیدی.
ارگ گزیتهسیده یازگن خبریگه کوره، مولوی عبدالسلام حنفی بو سوزلرنی ایتالیا نینگ افغانستاندهگی ایلچیسی ناتالیا کوینتاویل خانم و ایتالیا نینگ افغانستاندهگی مخصوص وکیلی گاینفرنکو بیلن اوچرهشووده ایتگن.
اوشبو اوچرهشووده ایتالیا نینگ افغانستاندهگی ایلچیسی ناتالیا کوینتاویل خانم افغانستانده خوفسیزلیک اورنهتیلگنی و بو مملکتگه تشریفی چاغیده اوزی گواه بولگن اسلام امیرلیگی ایریشگن یوتوقلردن ممنونلیگینی بیلدیردی و اونینگ دوام ایتیشیگه اشاره قیلدی. مملکت نینگ افغانستانگه یاردمی حقیده گپیرر ایکن، او ایتالیا، افغانستانده رواجلنیش لایحهلرینی عملگه آشیریشنی خواهلشینی و ساغلیقنی سقلش، سوو و حفظالصحه و ایکّی تامانلهمه مناسبتلر ساحهلریده همکارلیک قیلیشگه تیارلیگینی ایتدی.
باش وزیرلیک ادارهسی نینگ اورینباسری مولوی عبدالسلام حنفی اوشبو مملکت نینگ افغانستان خلقی بیلن همکارلیگینی یوقاری بهالب، افغانستان اسلام امیرلیگی اروپا دولتلری و باشقه دولتلر بیلن اوزارا همکارلیک و اوزارا حرمتگه اساسلنگن یخشی مناسبتلرنی ایستشینی تأکیدلهدی، بوتون دنیا و افغانستاندهگی برچه سرمایهلرنی آلقیشلهیدی دیب ایتدی.
باش وزیرلیک ادارهسی نینگ اورینباسری، شونینگدیک، افغانستانده عمومی خوفسیزلیکنی تأمینلش، بنگی وار مادّهلر و ماموری فسادگه برهم بیریش اسلام امیرلیگی نینگ یوتوقلریدن بیری بولیب، هیچ بیر شخص یاکه دولتگه افغانستان زمینیدن فایدهلنیشگه رخصت بیرمسلیگینی قوشیمچه قیلدی.