مزار شریف ۱۰ حمل باختر
افغانستان شِمالیده شهر و شهر اطرافیده‌گی تکسیلر نینگ رنگینی اوزگرتیریش جریانی باشلندی. عموماً آلگنده، افغانستان شهری و اونینگ اطرافیده‌گی حدودلرده تکسیلر سریق رنگدن فیروزه رنگگه اوزگریشی ریجه‌لشتیریلگن.
بو جریان افغانستان نینگ پایتختی و باشقه بعضی حدودلریده الّه‌قچان باشلنگن. بلخ ولایتی اورین‌باسری مولوی نورالهادی ابو ادریس افغانستان شِمالیده‌گی شهر و شهر اطرافیده‌گی تکسی ترانسپورت واسطه‌لری نینگ رنگینی اوزگرتیریش جریانی باشلنیشیده اوشبو جریاننی یکونلش آرقه‌لی اولکه ده خوفسیزلیک و آدم اوغیرلش نینگ آلدی آلینه‌دی، جنایی حقوقبوزرلیکلر درجه‌سی کمه‌یه‌دی و فقرالر نینگ خوفسیزلیگی یخشی تأمینلنه‌دی.
و او بلخده‌گی تیگیشلی اداره‌لر متصدیلریدن بو جریاننی موافقلشتیریب، آشکارا‌لیک بیلن عملگه آشیریشنی، خلق نینگ معمالرینی انابتگه آلیب، اهالیگه ضرور قوله‌یلیکلر یره‌تیشنی سوردی.
مراسمده افغانستان عمومی ترافیک خدمتی باشلیغی پاسوال حسیب الله مختار نینگ ایتیشیچه، اوشبو ریجه افغانستان اسلام امیرلیگی رهبریتی تامانیدن معقوللنگن و بوگون شمالی بلخ، سرپل، فاریاب و جوزجان ولایتلریده عملگه آشیریله باشلنگن. و برچه شهر تکسی مو‌ترلری نینگ رنگی سریقدن فیروزه و آق رنگگه، اطرافده‌گی تکسی مو‌ترلری ایسه فیروزه رنگگه اوزگره‌دی.
مختار نینگ ایتیشیچه، بو رنگ اوزگریشی افغانستان نینگ برچه ولایتلریده بیر خیل بولگن و بو رنگ خلق‌ارا ستندردلرگه تینگ، رنگنی اوزگرتیریشدن تشقری، تکسی ایگه‌لری هم ایشلر وزیرلیگیده رویخطگه آلینگن و بو بویروق جنایتلر درجه‌سینی په‌سه‌یتیریشده هم ثمره‌لی بوله‌دی.
شو بیلن بیرگه، مزار شریف هیداوچیلری تکسیلر رنگینی اوزگرتیریشنی شهر ترتیبیده فایده‌لی دیب اته‌دی و بو جریان توگه‌شی بیلن جنایی جنایتلر کمه‌ییشینی ایتیشه‌دی.
