کابل17 اسد باختر
افغانستان قیزیل یریم آی جمعیتی نینگ ایتیشیچه؛ قطر ترقیات صندوقی، توغمه کسللیگی گه یولیققن کودکلر، یوره‌ک عملیاتلری اوچون ستندرد شفاخانه قوریلیشی و افغانستان گه بغدای جونه تیش ایسه بو تشکیلاتگه یاردم بیره دی.
افغانستان قیزیل یریم آی جمعیتی نینگ مطبوعات ایشلری بوییچه دفتری، بو خبرنی ترقه تیب ایتگن: افغانستان قیزیل یریم آی جمعیتی اورین باسری، ملا نورالدین ترابی دوحه ده قطر ترقیات لایحه‌لری صندوقی نینگ مسئولی، سلطان احمد النصری بیلن مملکت نینگ انسان سیور یاردمی یوزه سیدن قوشمه ییغیلیش اوتکزدی.
بو ییغیلیش ده ملا نورالدین ترابی، افغانستان خلقی روپره بولگن 16 ته سیاسی معمالری بوییچه صحبت قیلدی.
ملا نورالدین ترابی، قطر تمانیدن یاردم بیریلگن بغدای لرنی قزاقستان دن افغانستان گه انتقالی بوییچه تیزلشتیریلیشنی تکلیف قیلدی.
شونینگدیک، افغانستان قیزیل یریم جمعیتی اورین باسری، بو اوچره شوو ده دیدی: قوراق چیلیک افغانستان کون ساین آشیب افغانستان خلقی انسان عذابی بیلن دوچ کیلماقده، یاردم کورستوچی نهاد لردن بو توغریده افغانستان قیزیل یریم آی جمعیتی بیلن یاردم لشیشلرینی امید قیله میز.
اینگ یقین کیله جک فرصت ده افغانستان خلقی اوچون 25 مینگ تن بغدای یاردم بیریلیشینی وعده قیلدی، سلطان العسیری.
او شونینگدیک، افغانستان ده دوالب بولمه یدیگن توغمه یوره ک کسللیگی دن اذیت چیکه‌یاتگن 700 گه یقین باله لرنی خارجی دولت ده دوالش اوچون شرایط یره تیشگه وعده بیردی.
سلطان بن احمد العسیری قطر ترقیات لایحه لری صندوقی نینگ مسئولی، اولر نینگ نهادلری افغانستان ده توغمه یوره ک کسللیگی دن اذیت چیکه‌یاتگن باله لرنی دوالش و عملیات قیلیش اوچون یخشی جهازلنگن شفاخانه قوریشگه تیارلیگینی ایسلتدی.
