(UZ)ینگی‌لیک/اخبار(UZ)دنیا/جهان

لیبیا ده سوو تاشقینلری؛  قربانلر سانی همان آرتیب بارماقده

کابل ۲۳ سنبله، باختر
لیبیا ده سوو تاشقینی و توپلنگ قربانلری سانی آرتیب بارماقده، بو دولت نینگ رسمی منبعلری قربانلر سانی ۵۳۰۰ کیشیگه ییتگنینی ایتدی، اما بو یکونی رقم ایمس، چونکه‌ کمیده اون مینگ کیشی بیدرَک یوقالگن.
رسمی منبعلر قربانلر سانینی ۵۳۰۰ کیشی دیب اعلان قیلگن بولسه – ده، بعضی عاموی اخبارات واسطه‌لری بو هلاکتده ۷ – ۸ مینگ کیشی هلاک بولگنینی ایتیشگن.
و حالان‌که، اوچ کون مقّدم طوفان و سوو تاشقینی اوشبو مملکت نینگ اَیریم حدودلرینی قمره‌ب آلگن و اینگ کوپ قربانلر درنه شهریده صادر بولگن، درنه ایسه فلاکت شهری دیب اته‌لگن و حاضرده بو شهر حاکمیتی معماگه دوچ کیلگن. جسدلرنی تیزده کومسه و کوچیریلگن آدملر نینگ ضرور احتیاجلرینی تأمینلش انقراضیگه دوچ کیله دی.
عینِ پیتده، چیگره‌ بیلمس شفاکارلر یاردم جونه‌تمه‌لری بیلن بوگون، پنجشنبه‌‌ کونی ۲۳ سنبله درنه گه ایتیب باریشی ریجه‌لشتیریلگن.
تأکیدلنیشیچه، اولر “ساغلیقنی سقلش سکتوری احتیاجلرینی بهالشدن تشقری، خیریه‌ قیلینگن دارو – درمانلر و اوزلری بیلن آلیب کیتگن طبی بویوملرنی” لیبیا شفاکارلریگه، کییم – کیچک و مخصوص تنه‌ دستکول‌لری کبی نرسه‌لرنی ایتکزیب بیریشه‌دی. لیبیا قیزیل یریم آی جمعیتیگه.
درنه شهریده کوچه‌لر لای قالین آستیده یشیرینگن و بو شهرده‌گی یوللر نینگ کوپ قِسمی آغدریلگن مو‌ترلرگه توله‌. قوتقرووچیلر درنه ده کسللیک ترقه‌لیشی نینگ آلدینی آلیش اوچون عاموی قبرلر قوریشدن باشقه‌ یول تاپه آلمه‌دیلر. و شرقی لیبیا مقام رسميلری نینگ ایتیشیچه، دینگیز هر دقیقه‌ده قیرغاققه ینگی جسدلر آلیب کیله‌دی.
یکشنبه‌ کونی «دانیال» طوفانی شهر آرقه‌سیده‌گی سوو توغانینی بوزیب، شهر نینگ کتّه‌ قِسمینی بیردنیگه سوو باسگنیدن سونگ، درنه شهری سونامیگه اوخشش تاشقینگه اوچره‌دی.
قوتقرووچیلر حلی هم لای اویوملری آستیده کومِیلگن بنالر ویرانه‌لری آره‌سیدن امان قالگنلرنی قیدیریشماقده؛ بیراق واقعه‌ صادر بولگنیگه ۴ کون اوتگنینی انابتگه آلسک، تیریک قالگنلرنی تاپیشگه امید یوق و شو سببلی قربانلر سانی آرتیشی کوتیلماقده.
بیرلشگن ملتلر تشکیلاتی نینگ تشکیلاتلریدن بیری بولگن خلق‌ارا تشکیلاتی (IOM) چهارشنبه‌ کونی بیدرَک یکقالگنلر سانی ۱۰ مینگگه، قاچقینلر سانی ایسه ۳۰ مینگگه ییتگنینی معلوم قیلدی.
شو بیلن بیرگه‌، کیر یوویشخانه‌لر و شفاخانه‌لر اولیکلر نینگ کوپلیگی و یره‌لنگن آدملرگه جواب بیره آلمه‌یدی.
محمد الغوش؛ لیبیالیک شفاکارلر سودا اویوشمه‌سی باشلیغی تورک کانالیگه شونده‌ی دیدی: بو مملکت سود طبیاتی ساحه‌سیده تجربه‌لی کونگیللیلر و جسدلرنی آلیب چیقیش، شخصینی انیقلش و کومسه گه ایختیصاصلشگن قوتقرووچیلرگه محتاج.
یاردم نینگ بیر قِسمی، جمله‌دن، مصردن هم کیلیشی باشلندی؛ اما لیبیاده گی سیاسی وضعیت طفیلی یاردم کورسه‌تیشگه توسقینلیک قیلماقده.  مملکت ایکّی رقیب حکومت اورته‌سیده بولینگن.
آمریکا، جرمنی، ایران، ایتالیا، قطر و تورکيه یاردم یوبارگن دولتلر قطاریده.

کوپ‌راق کورستیش

نوشته های مشابه

دکمه بازگشت به بالا