مولوی عبدالکبیر؛ کابل شهریگه زمانوی قولیلیکلر یره‌تیش برابرلیگینی ایشگه سالیش کیره‌ک.

کابل ۸ سنبله، باختر
باش وزیرلیک اداره سی نینگ سیاسی اورین‌باسری کابل بلدیه باشلیغی و اورین‌باسری بیلن اوچره‌شووده شونده‌ی دیدی: کابل شهرینی قَیته قوریش، رواجلنتیریش و زمانوی قولیلیکلر یره‌تیشده همه‌ شریک بولیشی کیره‌ک.
باش وزیرلیک اداره سی نینگ سیاسی اورین‌باسری نی مطبوعات خذمتی بو خبرنی اعلان قیلدی: باش وزیرلیک اداره نینگ سیاسی اورین‌باسری مولوی عبدالکبیر کابل بلدیه  باشلیغی و اورین‌باسری مولوی عصمت الله  عاصم بیلن اوچره‌شدی.
عاصم اوشبو ییغیلیشده باش وزیرلیک سیاسی اورین‌باسریگه کابل بلدیه سی نینگ فعالیتی، ایریشگن یوتوقلری و استقبالده‌گی ریجه‌لری حقیده معلومات بیردی.
او شونده‌ی دیدی: کابل بلدیه مسوول بولیم صفتیده جماعت آبعیکتلرینی، شهر ترتیبینی و کوکلمزارلشتیریشنی رواجلنتیریش و آبادانلشتیریشده کتّه‌ سعی – حرکتلرنی عملگه آشیردی و بو ساحه‌لرده کوپلب باشقه‌ دستورلرگه ایگه‌.
مولوی عبدالکبیر، باش وزیرلیک اداره سی نینگ سیاسی اورین‌باسری: «برچه‌ افغانلر افغانستان رونقی و برقرارلیگی اوچون یینگ کوتریشی کیره‌ک، اما کابل بلدیه سی کوپراق سعی – حرکتلر قیلیشی کیره‌ک»، دیدی.
او قوشیمچه‌ قیلدی: کابل ستندرد و آباد شهر بولیشی کیره‌ک، بو مسأله‌ نه‌فقط کابل بلدیه سیگه، بلکه‌ باشقه‌ مسوول  اداره‌لر و کابل اولوس لریگه هم تیگیشلی. کابل شهرینی انکشاف بیریش، آبادانلشتیریش و زمانوی قولیلیکلر یره‌تیشده برچه‌ اشتراک ایتیشی کیره‌ک.