کابل ۹ سنبله باختر
باش وزیرلیک اداره سی نینگ سیاسیداورین‌باسری خوست ولایتی نینگ تنی تومنیده‌گی ایتنیک و مجاهدلر بیلن بولیب اوتگن اوچره‌شووده اسلام امیرلیگی بودجه سی متناسب رواجلنیش اساسیده بیلگیلنیشی و خلق نینگ خواهش – ایستکلری اوستوار بولگنینی تأکیدله‌دی.
باش وزیرلیک اداره سی نینگ مطبوعات خدمتی اوشبو خبرنی اعلان قیلیب، شونده‌ی دیدی: باش وزیرلیک اداره سی نینگ سیاسی اورین‌باسری مولوی عبدالکبیر خوست ولایتی نینگ تنی تومنی قبیله رهبرلری و مجاهدلری بیلن اوچره‌شدی. اولر دایما اسلام امیرلیگیگه قرشی یالغان ترغیبات آلیب باره یاتکنلرنینگ سوزلریگه قرشی بولگن.
اولر نینگ قوشیمچه قیلیشیچه، برچه افغان ایتنیک گروهلری تیزیم نینگ مستحکملنیشی و مستحکملیگی باره‌سیده بیر خیل فکرده و بو باره‌ده تشویشلنه‌دیگن هیچ نرسه یوق.
تنی قبیله‌سی نینگ آقسقاللری اسلام امیرلیگی تامانیدن مملکتنی متناسب روشده رواجلنتیریشگه منّتدارچیلیک بیلدیریب، حکومت نینگ سعی – حرکتلری نتیجه‌سیده تورلی قره‌شلر برهم تاپیب، ترقیات لایحه‌لریده برچه حدودلرگه تینگ اولوش بیریلگنینی قوشیمچه قیلیشدی.
اولر تنی تومنیده‌گی یولنی تامیرلنه شی، اورمانلرنی محافظه قیلیش و طبی خدمتدن فایده‌لنیشنی طلب قیلیشدی.
باش وزیرلیک اداره سی نینگ سیاسی اورین باسری اولرگه شونده‌ی دیدی: اسلام امیرلیگی افغانلر اوچون فایده‌لی ایکنلیگینی اثباتله‌دی.
مولوی عبدالکبیر ایتنیک آقسقاللر و مجاهدلر حکومت و خلق اورته‌سیده‌گی موافقلشتیریش و همکارلیککه یول آچیشی ممکنلیگینی و اسلام امیرلیگی ایتنیک تأثیر کورسه‌تووچیلر و وطنداشلر نینگ سعی – حرکتلرینی قدرلشینی قوشیمچه قیلدی. شونینگدیک، او شونده‌ی دیدی: اسلام امیرلیگی نینگ بودجه سی متناسب رواجلنیشگه اساسلنگن حالده بیلگیلنه‌دی و خلق نینگ خواهش – ایستکلری اوستوار حسابلنه‌دی.
