فیروزکوه ۲۶ سنبله، باختر
غورگه بارگن عالی تعلیم وزیرلیگی نینگ سرپرست وزیری شیخ الحدیث مولوی ندا محمد ندیم اوشه ولایت نینگ محلی رسميلری، عالِملری و ایتنیک آقسقاللری بیلن اوچره‌شوو اوتکزدی.
غور ولایت حاکمی ملا احمد شاه دین دوست ییغیلیشده شونده‌ی دیدی: «غور مادّی جهتدن قالاق و محروم دیر، لیکن معنوی تاماندن دیندارلیک، مردلیک، ایرکه‌لیک، مهمان‌دوستلیک، کوره‌شچه‌نلیکدن کمچیلیک یوق، وطنپرورلیک و باسقینچیلرگه قرشی کوره‌شگن».
غور حاکمی دیدی: اسلام امیرلیگی عملدارلری و آقسقاللری نینگ بو ولایتگه تشریفلری غور اهالیسی اوچون بیردملیک، غیرت و دلده آلیب کیله‌دی.
مذکور ییغیلیشده عالی تعلیم وزیرلیگی نینگ سرپرست وزیری مملکتیمیزده موجود تیزیم نینگ افضللیکلرینی ایتیب اوتدی و شونده‌ی دیدی: عالی تعلیم ساحه‌سیده فساد بوتونلی یوقالگن، بو ییلگی کیریش امتحانلری یاشلر نینگ اوزلری تنله‌گن یونه‌لیشلرگه اوز خواهله گن بولیملریگه کیرگنیگه مثال بولدی.
او شونینگدیک، افغانستان اسلام امیرلیگی هیچ قچان زمانوی علملر تعلیمیگه قرشی بولمه‌گن، چونکه مملکتده برچه ساحه‌لرده پروفیشنل و عالی معلوماتلی کادرلرگه احتیاج بار و اسلام امیرلیگی همان بو باره‌ده یخشیراق قدملر تشلشگه قرار قیله‌دی. علم – فن ساحه‌سی مملکت بیلیم یورتلریگه اوسیشی و صلاحیتینی آشیریشده قیمتلی ایشلرنی عملگه آشیریش کیره‌ک.
بو ییغیلیشده عالی تعلیم وزیرلیگی نینگ سرپرست وزیری برچه خلقدن، اینیقسه، غوريلردن بیردملیک و یخلیتلیکنی سقلشنی، ملت، تیل و موقع باره‌سیده اختلافلردن سقلنیشنی سوردی، چونکه بو معمالر مصیبت و بیگانه‌لر نینگ سببچیسی بولدی. کوپ ییللر دوامیده مملکتده اشغال آستیده قالگن ایدی و حاضر ایسه اشغالدن آزاد بولدی و تعلیم آلیش زمانی کیلدی.
