پارون ۹ سنبله باختر
نورستان اورمانلریده‌گی یانغین حلی هم دوام ایتماقده. بو بار اورمانلر برگ متال تومنیده یانیب کیتگن.
بو یانغین ایکّی کون اوّل باشلنگن و هیچ قنده‌ی جانی تلفاتسیز دوام ایتماقده.
خبرلرگه کوره، یانغینده آلتمیش هکتار اورمان یانیب کیتگن، بیراق یوزلب آدملردن عبارت قوتقروو گروهلری یانغیننی اوچیریشگه حرکت باشله‌گن.
نورستان اطراف – محیطنی محافظه قیلیش باشقرمه سی باشلیغی مولوی تاج الدین صافی باختر آژانسیگه شونده‌ی دیدی: اورمانلرده‌گی یانغیننی اوچیریش حرکتلری دوام ایتماقده.
اونینگ سوزلریگه کوره، اولر یانغین اوج آلیشینی توخته‌تیشگه موفق بولیشگن، اما اورمانده حلی هم یانغین دوام ایتماقده.
سونگگی ییللرده نورستان اورمانلری دایما یانغینلرگه گواه بولیب کیلگن.
