کابل، اول قوس، باختر
وزارتلر اورته سیده سرمایه یاتقیزیش کمیته سی شاه یوللر بویلب وقتینچه لیک ایستادگاه لر تشکیل ایتیش ریجه سینی تصدیقله دی.
ریاست الوزراء نینگ اقتصادی اورین باسرلیگینینگ مطبوعاتی دفتری، بوگون بیر خبرنامه یازیب، بو ریجه عامه فایده لنیش وزیرلیگی نینگ وزارتلر ارا سرمایه کیریتیش کمیته سی نینگ نوبتده گی ییغیلیشیده تقدیم ایتیلگن ایدی.
خبرنامه نینگ علاوه قیلیشیچه مذکور کمیته شاه یوللر بویلب وقتینچه لیک ایستادگاه لر تشکیل ایتیش ریجه سینی تصدیقلب، عامه فایده لنیش وزیرلیگی گه تاپشیردی و باسقیچ لرینی یکونلب عملی ایشلر باشلتیش و اوشبو ریجه منظور ایتیلیشی اوچون، اونی اقتصادی کمیسیونگه بیریشگه وظیفه لنتیردی.
شونینگدیک بو تدبیرده، پشتنی بانک قرشیده کابل بلدیه سی گه قره‌شلی ییر ده ایکی قوتلیک تجارت بناسی قوریلیشی و بلخ ولایتیده کومیر یوک‌لش و توشیریش اوچون زمانوی ترمینال قوریش و شونینگدیک، کابلنینگ سروبی تومنیده گی نغلو حدودی ده 22 میگاوات گه ایگه قویاش انرژی سی ایشلب چیقاریش ریجه سی هم محاکمه قیلیندی.
ایتیلیشیچه، ایتیب اوتیلگن ریجه لر وزارتلر ارا کمیته سی نینگ اصولی اساسیده تصدیقلنیب، تخنیکی، اقتصادی و حقوقی تیکشیروولر اوچون تیگیشلی وزارت خانه لرگه یوباریلگن.
