هرات ده موتر اوتوچی بویوک کوپریک نینگ ایشی باشلندی

هرات 31 اسد، باختر
بوگون هرات ده کتته و موتر اوتوچی کوپریک قوریلیشی نینگ ایشی باشلندی. بو کوپریک قندهار سه پلک ساحه سی ایشیگی نینگ حدودیده هرات بلدیه سی تمانیدن سیککیز یریم میلیون افغانی مبلغگه اوچ آی ایچیده قوریله دی.
هرات شهر حاکمی مولوی رشید نینگ ایتیشیچه، بو کوپریک نینگ اوزونلیگی 35 مترگه یقین بولیب، بو کوپریک قوریلیشی بیلن گذره، شیندند، و ادرسکن تومنلری نینگ یوللرینی باغلیدی.
هرات حاکمی اهالیدن اوشبو کوپریک نی سقلشده احتیاط بولیشی نی و شهر نینگ گوزه ل و تازه بولیشی اوچون اوز بلدیه سی بیلن همکارلیک قیلیشنی سوره دی. تقدیم ایتیلگن رقملرگه کوره، هرات بلدیه سی جاری ییلده یوزته کیچیک و ییریک ریواجلنیش لایحه لرینی عملگه آشیریش اوچون حرکت باشلَگن.