کابل ۲۲ حمل باختر
افغانستانده رمضان هییتی خوفسیز محیطده باشلندی.
میلیونلب افغان فقرالری بوگون هییت نمازینی اوقیب بولگه‌چ، بوتونلی خوفسیز محیطده بیر-بیرلرینی قوچاقلب، حکمرانلیک و اسلامی توزومنی سقلب قالیش همده اوز فراوانلیگینی الله دن سوره‌شدی.
اولر همان بیر-بیرلریدن نفرت و ظلمتنی بیر چیتگه سوریب، عزیز افغانستاننی حل قیلیش اوچون قول قاووشتیریشنی سوره‌شدی.
فقرالر هییت نمازینی اوقیب بولگه‌چ، عایله اعضالری بیلن هییت بیره‌میگه یقینلری خاندانیگه یول آلدی.
باشقه تاماندن، افغانستانده هییت نینگ بیرینچی کونیده دَم آلیش مرکزلری و تاریخی مسکنلر فقرالر بیلن گوجوم ایدی.
بوتون افغانستاندن کیلگن باختر آژانسیگه مخبرلریگه کوره، یوز مینگلب عسکرلر نینگ هر بیر گوشه‌ده، اینیقسه، موتر سرکلری، دَم آلیش مسکنلری و باشقه گوجوم جایلرده بولیشی آدملرگه هییت بیره‌مینی خاطرجمعلیک بیلن کوتیب آلیشلریگه تینچلیک بیرگن.
افغانستان فقرالری اسلام امیرلیگی نینگ برپا ایتیلیشی بیلن هییت بیره‌مینی و بوتون عمرینی تولیق تینچلیک و خوفسیزلیکده اوتکزه‌یاتگنیدن خورسند.
بیراق افغانستان اسلام امیرلیگی نینگ یوقاری مرتبه‌لی خوفسیزلیک و حربی عملدارلری، مخصوص خوفسیزلیک چاره‌لرینی هییت آخریگچه دوام ایتتیریشلرینی ایتیشماقده.
اولر افغانستان فقرالریدن هییت بیره‌مینی ایسن-امان نشانلشلرینی سوردیلر.
باشقه تاماندن، پایتخت و ولایتلرده‌گی خوفسیزلیک خادملری فقرالردن اوز خوفسیزلیگینی تأمینلش اوچون خوفسیزلیک کوچلری بیلن همکارلیک قیلیشنی سوردی.
