کابل، ۱۵ قوس، باختر
باش وزیرلیک اداره سی نینگ اقتصادی مسألهلر بوییچه اورینباسری ملا عبدالغنی برادر آخوند رئیسلیگیده بولیب اوتگن ملی خرید کمیسیونی نینگ ییغیلیشیده ۱۸ لایحه معقوللندی.
بو حقده باش وزیرلیک اداره سی نینگ مطبوعات خدمتی بوگون معلوم قیلدی: مذکور ییغیلیشده ۲۸ ته لایحه، جملهدن، ۱۸ ته لایحه بوییچه شرطنامه بحث قیلیندی، قالگن ۵ ته لایحه بوییچه شرطنامه توزیلگن تقدیرده ایسه وظیفه کمیتهلری ذمّهسیگه اولرنی بهالش وظیفهسی تاپشیریلدی. شرطنامهلر توزهدی و قرار قبول قیلهدی. خریدلر بوییچه ملی کمیسیون نینگ نوبتدهگی ییغیلیشیگه یکونی تقدیماتی هم بولیب اوتدی.
شونینگدیک، ینه ۵ ته پروژه لایحهلری بوییچه قوشیمچه دتیکشیروولر بویوریلدی.
تکلیف ایتیلهیاتگن لایحهلر ملی مدافعه، ایچکی ایشلر، مالیه، جماعت ایشلری، مخابرات و اخبارات تکنالوژی لری وزیرلیکلری، برشنا شرکتی و کابل بلدیه سیگه تیگیشلی بولیب، اولر نینگ عمومی قیمتی ۴ میلیارد افغانگه یقین.
تصدیقلنگن لایحهلرده چک وردک توغانی نینگ قالگن ایشلرینی یکونلش، ۲۲۰ کیلوولت ارغندی – غزنی برق لینيهسی نینگ قالگن ایشلرینی یکونلش، هرات و تورغندی شهرلریده ۲۲۰ کیلوولت هرات نورالجهاد و تورغندی لایحهسی تیارلش، زابل ولایتی نینگ شهر صفا تومنی بویلب مانجه گچه بولگن یول نینگ نهایهسیگه ییتکزیلیشی کابل – لوگر یولی نینگ ایکّینچی بولهگی نینگ قالگن ایشلری فقرالر اوچون یوقاری تیزلیکدهگی انترنیت خدمتلرینی کورسهتیش و باشقه قطار لایحهلرنی اوز ایچیگه آلهدی، بو ایسه ایش بیلن تامینلهیدی. مینگلب یورتداشلریمیز اوچون امکانیتلر یرهتیلدی.