کابل ۱۱ حوت باختر
بلخ ولایتی حاکمی رهبرلیگیده، کوچلی قار یاغیشی عاقبتیده اولیم خوفی آستیده قالگن اَیریم تومنلرگه بیر میلیون افغانی ارزشیگه چاروا ییمی ییتکزیب بیریلدی.
بلخ ولایتی مطبوعات کاتبی حاجی زید سونگگی بیش کوندن بیری ینگی قار تولقینی باشلنگنینی، شو اساسده بلخ حاکمی محمد یوسف وفا رهبرلیگیده بلخ ولایتی نینگ شولگره، چهاربولک، چمتال و البرز تومنلریده قار یاغیشی کوزه‌تیلگنینی ایتدی. ساووقدن حیوانلری دله‌لرگه چیقه آلمه‌گن عایله‌لرگه اوت ساوغه قیلیندی.
عینِ پیتده مذکور تومنلرده‌گی عایله‌لرگه اوت یاردمی کورسه‌تیشگه مسوول شخصلر بلخ حاکمی نینگ علیحده کورسه‌تمسی بیلن بیر میلیون افغان خرجتی عوضیگه ۱۲۰ توپ اوت ساتیب آلگنلیکلرینی و بو اوتنی امکان قدَر تیزراق چیکّه تومنلر اهالیسی ولایتگه ییتکزیب بیریلیشینی ایتیشدی.
بو تومنلر نینگ برچه حیوانلری بار اهالیسی بو وضعیتده اولر نینگ آوازیگه قولاق توتگن بلخ حاکمی و افغانستان اسلام امیرلیگی رسميلریگه منّتدارچیلیک بیلدیردی.
