کابل، ۳۰ قوس، باختر
خلیفه سراج الدین حقّانی؛ ایچکی ایشلر وزیرلیگی نینگ سرپرست وزیری روسيه جمهور رئیسی نینگ افغانستان بوییچه مخصوص وکیلی ضمیر کابلوف بیلن اوچره‌شووبده «افغانستانده، جمله‌دن، روسيه‌ده یره‌تیلگن خوفسیزلیک منطقه منفعتی اوچوندیر» دیدی.
بو اوچره‌شووده ایکّی تامان ایکّی دولت اورته‌سیده‌گی مناسبتلرنی مستحکملش، خوفسیزلیک مسأله‌لری، تجارت علاقه‌لرینی رواجلنتیریش، روسيه نینگ افغانستاننی خلق‌ارا مجموعه فارمتیده قوللب – قوّتلشی کبی مسأله‌لرنی بحث قیلدی.
ایچکی ایشلر وزیرلیگی نینگ سرپرست وزیری ایکّی دولت اورته‌سیده‌گی مناسبتلرنی ایجابی دیب اته‌دی و ایکّی دولت وکیللری نینگ تشریفلری علاقه‌لرنی ینه‌ده مستحکملشگه خدمت قیلیشینی تاکیدله‌دی.
روسيه وکیلی افغانستانده یره‌تیلگن خوفسیزلیک منطقه منفعتیگه خدمت قیلیشینی ایتیب، افغانستان حکومتی نینگ سعی – حرکتلرینی ایجابی دیب اته‌دی.
کابلوف نینگ قوشیمچه قیلیشیچه، اونینگ مملکتی افغانستان حکومتی حرکتلرینی حرمت قیله‌دی و بیرلشگن ملتلر تشکیلاتی حکومت بیلن هم‌جهتلیکده حرکت قیلیشی کیره‌کلیگینی تاکیدله‌دی.
کابلوف، شونینگدیک، اونینگ مملکتی ایکّی دولت اورته‌سیده‌گی تجارت علاقه‌لری ینه‌ده آشیشینی ایستشینی ایتدی.
