بازارک، ۱۹ جدی، باختر
پنجشیر کان و پترولیم باشقرمه سی بوگون مملکت تدبیرکارلریگه عمومی قیمتی ۱۹۸ مینگ و ۲۰۰ دالر بولگن ۱۵۱۹ قیراط پنجشیر زمردلرینی ساتگنینی اعلان قیلدی.
پنجشیر کانلریدن قازیب آلینگن اونلمچی دور زمرددن کیم آشدی سوداسی آرقه‌لی پنجشیر ولایتی حاکمی حافظ محمد آغا حکیم، پنجشیر کانلری نظارت کمیته‌سی و بیر قطار تاش سوداگرلر اشتراکیده ساتیلدی.
اوشبو کیم آشدی سوداسیده پنجشیر حاکمی شفّافلیکنی تأمینلشگه علیحده توخته‌لیب، اوشبو ولایتده اون مراتبه اوتکزیله‌یاتگن «پنجشیر زمرد» اونلمچی دوری دوستانه، قوله‌ی و شفّاف محیطده اوتکزیله‌یاتگنینی و بو جریانده قانونی بولیشی اوچون جدّی حرکت قیله‌یاتگنیمیزنی اعتراف ایتدی.
پنجشیر کانلری و پترولیم باشقرمه سی نینگ باشلیغی مولوی محمد قاسم امیری نینگ ایتیشیچه، بو پنجشیر نینگ زمرددن یه‌سلگن قیمت‌بها تاشلری بوییچه اوتکزیلگن اونلمچی دور بولیب، اولر بولیمی تامانیدن اوتکزیلگن.
پنجشیر کانلر و پترولیم باشلیغی نینگ قوشیمچه قیلیشیچه، عمومی آغیرلیگی ۱۵۱۹ قیراط بولگن ینگی قازیب آلینگن پنجشیر زمردلریدن عبارت اوشبو قوتی مملکت سوداگرلریگه ۱۹۸ مینگ و ۲۰۰ دالرگه ساتیلگن.
یقینده عمومی آغیرلیگی ۲۷۴۶ قیراط بولگن ینه بیر جعبه سی پنجشیر زمرددن محصولاتی اعلان آرقه‌لی ۸۰ مینگ دالرگه ساتیلدی.
