کابل، 14 جدی، باختر
کابل شهری نینگ گوزللشتیریش بوییچه ده افغانان ساحه سیده بیر «نماد» نی قوریش ایشی باشلندی.
کابل بلدیه سی نینگ کلتور و اجتماعی ایشلر بوییچه معینی، مولوی حبیب‌الرحمن منصور، یادلنگن اوچ یولنی آچیلیش مراسمیده، داخلی تاجرلر و تشبث کارلردن کابل شهری نینگ چرایلی و گوزللشتیریشیده حصه قوشیشلرینی سوره دی.
کابل بلدیه سی نینگ کلتور ایشلری بوییچه باشلیغی، قاری ولی گل جواد، بو «اوچ یول» گوزللیک نشانی سکیز متر یوکسکلیگی ده اساسی شکل ده بیر آی ایچیده ایکی میلیون خرجت بیلن تیکلنیشینی بیلدیردی.
اوشبو نشان اطرافیده یشیل فضا، سوو فواری، تنویر چراغ‌لری، منظره لی گللر، کتاره لر و جدول لر نصب ایتیلیشی نظره گه توتیلگن.
