شرن ۱۷ سنبله، باختر
کرومایت پکتیکا کانی نی قازیب آلیش ایشلری باشلندی. پکتیکا کرومایت کانلری اوشبو ولایت نینگ گیان تومنیده جایلشگن.
کانلر وزیرلیگی تخنیکی گروهی نینگ تیکشیروویگه کوره، پکتیکا کانلری نینگ کرومایت تاشی علیحده صفتگه ایگه.
اوشبو کاننی قازیب آلیش بوییچه پیترا راک شرکتی، کانلر وزیرلیگی تامانیدن کیریتیلگن.
بیش ییل دوامیده اوشبو شرکت گیان پکتیکا کانلریدن کرومایت قازیب آلیش اوچون مسوول بولدی.
پکتیکا کان و پترولیم باشقرمه سی نینگ باشلیغی مولوی نظرگل صیاد نینگ باختر آژانسیگه معلوم قیلیشیچه، بو شرکت بیش ییل ایچیده ۹۰ مینگ تُن کرومایت قازیب آلیشنی و افغانستان اسلام امیرلیگیگه هر بیر تُن اوچون ۱۵۱۰۰ افغانی توله‌شنی ریجه‌لشتیرماقده.
اوشبو ستاتیستیک معلوماتلرگه کوره، بیش ییل ایچیده گیان پکتیکا کرومایتینی قازیب آلیشدن بیر میلیارد و اوچ یوز و ایلّیک توقّیز میلیون افغانی افغانستان اسلام امیرلیگی بودجه سیگه توشه‌دی.
اسلام امیرلیگی کرومایت کانیدن تاپیلگن پول نینگ ییگیرمه سکّیز میلیونینی گیان تومنیده‌گی کان اطرافیده‌گی آرزولر و اونگه آلیب باره‌دیگن یولنی رواجلنتیریش لایحه‌لرینی عملگه آشیریش اوچون صرفلشی کیره‌ک.
پکتیکا حاکمی مولوی فیض الله جمال حقّانی نینگ ایتیشیچه، اسلام امیرلیگی یبر آستی بایلیکلرینی قازیب آلیش آرقه‌لی خلققه ترقیات و فراوانلیک آلیب کیلیشگه، افغانستاننی اقتصادی و ایشلب چیقریشنی اوزینی – اوزی تامینلشگه یونه‌لتیریشگه حرکت قیلماقده.
اونینگ سوزلریگه کوره، بوگوندن گیان کرومایتینی قازیب آلیش ایشلری باشلنگن و اونلب محلی ایشچیلر ایش بیلن تامینلنگن.
اوشبو شرکت مهندسی نینگ ایتیشیچه، گیان پکتیکا کرومایت کانلری صفتی و حجمی بوییچه افغانستانده‌گی بیرینچی طایفه‌ده‌گی کانلر قطاریگه کیرا‌دی.
پکتیکا کرومایت کانیده محلی ایشچی رسول پادشاه اوزاق ییللرچه ایش بیلن تامینلنگنیدن خورسند بولگن.
کرومایت بیزه‌کلی تاش دنیاده بیزه‌ک بویوملرینی قوریش و یه‌سه‌ش اوچون ایشله‌تیله‌دی.
