یونسکو تشکیلاتی نینگ افغانستان بوییچه عمومی مسئولی، پاتریشیا و مدنیت بوییچه مسئولی بامیان ولایتی ده سفر چاغی کمینه شهر حاکمی و مدنیت و اخبارات ریاستی باشلیغی بیلن اوچره‌شدیلر.
بامیان ولایتی نینگ حاکمی یونسکو مسوولری دن، غلغله شهری، ضحاک و بودانینگ سقلیشی و ویران بولیشی آلدی آلینیشی اوچون اطراف‌لری دیوار بولیشینی ایسته دی.
بامیان ولایتی حاکمی نینگ تکلیفی گه جواباً یونسکو نماینده‌لری بو مسئله بولیشی ممکن‌لیگینی و بیز سیزنینگ تکلیف‌ینگیزنی یونسکو جهان تشکیلاتی ریاستی بیلن پایلشه میز دیب ایتدیلر.
شونینگدیک یونسکو وکیللری بامیان نینگ « چهاونی» تیپه‌لیگیده قوریلگن مدنیت مرکزیگه باریب، اوشبو مرکزنینگ قوریلیشینی بامیان تاریخی آباده‌لرینی محافظه قیلیش عرصه‌سیده مهم یوتوق دیب عنوان قیلدی.
شونینگدیک یونسکو نماینده‌لری بامیان شهریده‌گی مدنی میراث مرکزیگه تشریف بویوریب، اوشبو ولایت‌ده‌گی قدیمی آبده‌لر و تاریخی مکان‌لرنینگ وضعیتینی اورگنیش مقصدیده بامیان‌گه سفر قیلگنلرینی تیلگه آلدیلر.
