کابل، ۵ جدی، باختر
مملکت تشقی ایشلر وزیرلیگی نینگ سرپرست وزیری مولوی امیر خان متقی افغانستان حکومتی منطقوی مناسبتلرنی یخشیلش اوچون بار کوچینی ایشگه سالیشینی معلوم قیلدی.
افغانستان اسلام امیرلیگی مطبوعات کاتبی اورین‌باسری حافظ ضیا احمد اوزی نینگ ایکس صحیفه‌سیده تویت قالدیردی و شونده‌ی دیدی: مولوی امیرخان متقی بو بیاناتلرنی ایران نینگ مشهد شهریده افغانستان – اران قوشمه سودا پله‌ته‌سی (اتاقی) ییغیلیشیده ایتدی.
احمد نینگ قوشیمچه قیلیشیچه، اوشبو ییغیلیشده مولوی متقی افغانستان و منطقه‌ده یخشی خوفسیزلیک، بیردملیک، اقتصادی اوسیش و هر تامانله‌مه همکارلیک حقیده بیانات بیردی و افغانستان حکومتی منطقوی همکارلیکنی یخشیلش اوچون بار کوچی بیلن حرکت قیلیشینی و هیچ کیمگه رخصت بیرمسلیگینی ایتدی. بو قوشنی دولتلر و منطقه، جمله‌دن افغانستان خوفسیزلیگیگه تهدید سالیشی یاکه اونگه تهدید سالیشیگه یول قویمیدی.
اونگه کوره؛ بو ییغیلیشده ایران نینگ خراسان ولایتی حاکمی رضوی، افغانستان نینگ تهرانده‌گی ایلچیخانه‌سی ایلچیسی، افغانستان نینگ مشهدده‌گی باش قنسولی، افغان و ایرانلیک تدبیرکارلر هم اشتراک ایتیشدی. امیر خان متقی اسلام امیرلیگی نینگ اقتصادی یونه‌لتیریلگن موازنتلی تشقی سیاستی، افغانستانده سودا، اقتصادی، صنعت و ایکینچیلیک ساحه‌لریده یره‌تیلگن امکانیتلر حقیده گپیریب، افغان و ایرانلیک ایش بیلرمانلرنی افغانستانگه سرمایه کیریتیشگه اونده‌دی همده اولرنی افغانستان حکومتی اولرنی بار کوچی بیلن قوللب – قوّتله‌یدی.
یوقاریده تیلگه آلینگن ییغیلیشده مولوی متقی افغانستان ترانزیتی و قوشنیلر، منطقه و دنیا اورته‌سیده‌گی علاقه یوللری مهم‌لیگیگه اعتبار قره‌تدی همده واخان یوله‌گی نینگ اهمیتی حقیده گپیردی.
ایسله‌تیب اوتمیز، مولوی امیر خان متقی بیر نیچه کون اوّل فلسطین مسأله‌سیگه بغیشلنگن انجمنده اشتراک ایتیش اوچون ایرانگه باریب، بو دولت نینگ اَیریم رسميلری، جمله‌دن، تشقی ایشلر وزیری بیلن اوچره‌شگن ایدی.
