۲۹ جوزا ۱۴۰۱
افغانستان اسلامی امارت ریاست الوزراء اداری ایشلر بوییچه معاونی حرمتلی مولوی عبدالسلام حنفی اوزبیکستان جمهور رپیسی ملی خوفسیزلیک مصلحتچیسی همده تشقی سیاست بوییچه نماینده سی عبدالعزیز کاملوف و یولداش هیاتی بیلن اوچره شیب ملاقات قیلدی.
افغانستان تامانیدن ترانسپورت و هوا یوللر وزیرلیگی سرپرستی حمیدالله آخندزاده، د افغانستان برشنا شرکت رپیسی ملا عیسی ثانی و تیمیر یول اداره سی رپیسی ملا بخت الرحمان شرافت حضوریده ارگ ده بولیب اوتگن بو اوچره شووده، حرمتلی مولوی حنفی اوزبیکستانلیک هیاتنی خوش قرشیلیب، افغانستان و اوزبیکستان مناسبتی دوستانه دیر و بیزلر بو علاقه لر کوپراق مستحکم له نیشینی ایسته یمیز دیدی.
اونینگ سوزلریگه کوره، افغانستان و اوزبیکستان علاقه سی بیزلرگه کوپ اهمیت گه ایگه دیر و سونگگی نیچه آی ایچیده افغانستان اسلامی امارت و اوزبیکستان جمهوریتی اورته سیده بولیب اوتگن ییغینلر همده اوچره شوولرنینگ نتیجه سی جوده هم یخشی ایدی.
اوزبیکستان نینگ افغانستانگه کورستگن انسان پرورلیک یاردملریدن منتدارچیلیک قیلگن ریاست الوزراء اورین باسری، ایککی تامانلمه علاقه لرنی مستحکمله ش خصوصیده گی بوگونکی اوچره شوویمیز برچه بولیملرده ثمره دار بولیشیگه امید قیله من دیدی.
کیینچه لیک اوزبیکستان ملی خوفسیزلیک مصلحتچیسی عبدالعزیز کاملوف و یولداش هیات ایککی دولت نینگ تورلی بولیملر جمله دن تجارت، ترانزیت، تیمیر یول لایحه سی عملگه آشیریلیشی و باشقه بولیمیده گی مناسبتلر کینگه یشی و مستحکم له نیشی باره سیده تاکیدله دیلر. #
