زلزله عاقبتی‌ده یوز بیرگن فاجعه‌نی تیکشیریش اوچون هیات پکتیکا بارگن

۳ سرطان ۱۴۰۱

زلزله عاقبتیده یوز بیرگن فاجعه نی تیکشیریش اوچون پکتیکاگه دولت نینگ یوقاری مرتبه لی هیاتی یوباریلدی
افغانستان اسلامی امارت ریاست الوزراء باشلیغی حرمتلی ملا محمد حسن اخند نینگ بویروغی اساسیده هیاتگه دولت نینگ طبیعی حادثه لرگه قرشی کوره ش بوییچه وزیرلیگی معینی مولوی صاحب شراف باشچیلیک قیله دی. هیات ترکیبیگه ریاست الوزراء نینگ خاص نماینده سی حرمتلی مولوی صاحب لعل محمد، عالی مقام دفتری نینگ مردمی و سیاسی ایشلر بوییچه رئیسی حرمتلی گلزار احمد حقانی، مهاجرلر وزیری حرمتلی خلیل الرحمن حقانی، ساغلیقنی سقلش وزیری داکتر قلندر عباد، دولت تیگیشلی اداره لری نینگ مسووللری و معاونلری و یاردم بیرووچی نهادلر شامل دیر. بولر پکتیکا فاجعه سینی اورگه نیش مقصدیده بو ولایت گه سفر قیلدیلر.
مذکور هیات تیناوون کیچه یوز بیرگن زلزله ده شهید بولگنلر روحیگه دعا قیلیب، افغانستان اسلامی امارت قیغوداشلیگینی شهیدلر همده یره لنگنلر عایله سیگه بیلدیردیلر.
شونینگدیک اوشبو هیات دین عالملری همده آقسقاللر بیلن ییغین اوتکزیب زیان کورگن عایله لرگه ییتیش، کمک لر شفاف توزیع بولیشی و خاص کمیته لرنی تنظیم قیلیب اولرگه هدایت بیردیلر.
شو کبی ولایت گه یوباریلگن هیات زیان کورگن منطقه لر و ضررلنگن عایله لرگه یاردم بیریش مقصدیده اوزلری بیلن بیرگه بیر قنچه نقد پول و ییگولیک آزیق آوقت هم آلیب کیتگنلر. عزیز “ارسوی”