ننگرهار ولایتیده جنایی ایشلر بیلن باغلیق 128 کیشی قولگه آلینگن، حبسگه آلینگنلر، اوغیرچیلیک، آدم اولدیریش، آدم اوغیرلش، اسناد جعل قیلیش، کمیشن آلیش و فساد اخلاقی سوچلری بیلن توتیلگنلر. ننگرهار ولایتی پولیس اداره سی نینگ خوفسیزلیک بوییچه آمری مولوی محمد طاهر مبارز نینگ ایتیشیچه، بو آدملر اوتگن آی دوامیده یولگه قوییلگن عملیاتلر سرهسیده همده شهر و بیر قطار ننگرهار تومنلریده تیکشیرو چاغیده قولگه آلینگن. او نینگ سوزیگه کوره، قولگه آلینگنلر آلدیدن، بیر مقدار جنگ آور، بنگوار مادهلر و اوغیرلنگن مال قولگه کیلتیریلگن. ایتیلیشیچه، اشبو آدملرنینگ دوسیه لری عدلی و قضایی نهادلرگه یوباریلگن.