کابل۲۶ جوزا، باختر.
۶۰۴ ییل‌لیک تاریخی قدماتی بولگن هرات ولایتیده‌گی گوهرشاد بیگیم جامع مسجدی نینگ مناری یا بیشینچی منار نینگ قوریلیش ایشی باشلندی.
باختر آژانسی نینگ گزارشی‌گه کوره، هرات ولایتی نینگ بیرقطار فرهنگی‌لری و اهالیسی، اوشبو ولایت‌ده‌گی تاریخی مناره‌لر ییقیلیب توشیشی و اورته‌دن کیتیشی خصوصیده خواطرلیک لریدن کیین، هرات ولایتی نینگ مدنیت و اخبارات ریاستی بو مناره‌لر قیته قوریلیش ایشی باشلنگنی‌نی معلوم قیلگن.
اوشبو ریاست نینگ تاریخی آبده‌لرنی سقلش باشقروچی‌سی زلمی صفا، باختر آژانسی گه گزارش بیریشیچه، هرات نینگ قدیمگی تاریخی مناره‌لریدن بولمیش بیشینچی مناره یا گوهرشاد بیگیم جامع مسجدی نینگ مناری‌نی قیته قوریش ایشی باشلنگن و مستحکملشتیریش ایشی دوام ایتماقده.
ا‌ونینگ تاکیدلشیچه، اوشبو مناره‌نینگ قیته قوریلیش ایشی آلدیندن آغاخان فرهنگی دفتری و ایتالیا نینگ فلورانس بیلیم یورتی مالی یاردمی بیلن باشلنگن ایدی، بیراق توزوم یا نظام اوزگریلیشی عاقبتیده بیر مدت توخته‌تیلدی.
مملکتیمیزنینگ تاریخی و فرهنگی میراث‌لری خصوصیده ایش‌بیلرمانلریدن بیری صدیق میر نینگ ایتیشیچه “اوشبو تاریخی آبده‌لر آرقه‌لی فرهنگی و تاریخی کیملیک لریمیز و هویتیمیز نی سقلب قاله میز و بیز دنیا سیاحتچی‌لر دقتینی اوزیمیزگه تامان قره‌ته آله‌میز همده دولتیمیز بو یول آرقه‌لی کوپلب مادی و معنوی منفعت‌لرگه ایگه بوله‌دی. باشقه تاماندن بیزنینگ بایلیگیمیز و بارلیگیمیز منه شو تاریخی صنعت‌لر، فرهنگی، ادبی، هنر و آبده‌لریمیزگه باغیلق دیر.”
اوشبو منار نینگ قیته قوریش ایشی آغاخان فرهنگی جمغرمه‌سی آرقه‌لی آلغه آلیب باریلماقده.
هرات ولایتی مدنیت و اخبارات ریاستی تاریخی آبده‌لر رسمی‌لری نینگ معلوماتی‌گه کوره، اوشبو ولایت‌ده حاضر ۷۸۰ دن آرتیق تاریخی و باستانی آبده‌لر بار.
شونگه اوخشش هرات ولایتی گه قوشیمچه افغانستان نینگ باشقه قطار ولایت‌لریده هم حشمتلی تاریخی بنالر و آبده‌لر موجود.
